নিৰ্বাচন আয়োগৰ SIR প্ৰক্ৰিয়াৰ বিৰুদ্ধে দিল্লীৰ ৰামলীলা ময়দানত আৰম্ভ হয় ভাৰত মিত্ৰজোঁটৰ সমাৱেশ। ‘ভোট বচাওক, দেশ বচাওক’ শ্ল’গানেৰে এই কাৰ্যসূচীত যোগদান কৰিছে বিৰোধী মিত্ৰজোঁটৰ কেইবাগৰাকীও শীৰ্ষ নেতাই। ৰাহুল গান্ধী, প্ৰিয়ংকা গান্ধী ভাদ্ৰা, মল্লিকাৰ্জুন খৰ্গে, মমতা বেনাৰ্জী, অখিলেশ যাদৱ, তেজস্বী যাদৱ, ফাৰুক আব্দুল্লাৰ দৰে নেতাই সভাস্থলীৰ দিশে পদযাত্ৰা কৰে। ৰামলীলা ময়দানত তেওঁলোকৰ চাৰিওফালে এক বৃহৎ জনসমাগম গোট খায়।
এই সমাৱেশৰ পৰা মুখ্য নিৰ্বাচন আয়ুক্ত জ্ঞানেশ কুমাৰৰ পদত্যাগৰ দাবী জনাইছে বিৰোধীয়ে। SIR প্ৰক্ৰিয়াত অনিয়মৰ অভিযোগ উত্থাপন কৰি সমগ্ৰ বিষয়টোক ‘ভোট চুৰি’ বুলি আক্ৰমণ কৰিছে INDIA মিত্ৰজোঁটে। কিন্তু নিৰ্বাচন আয়োগে ৰাজনৈতিক পক্ষপাতিত্বৰ অভিযোগ নাকচ কৰি ভোটাৰ তালিকা সংশোধনৰ প্ৰক্ৰিয়া নিয়ম অনুসৰি চলি থকা বুলি উল্লেখ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
