১২ জুলাইত সাতোজনমলৈ এক হ’ল অনন্ত আম্বানী আৰু ৰাধিকা মাৰ্চেণ্ট৷ তেওঁলোকৰ বিয়াত সমগ্ৰ বিশ্বৰ বহু তাৰকা উপস্থিত হৈছে৷ চিনেমা, ক্ৰিকেট, ৰাজনীতিৰ পৰা হলীউডলৈকে সকলোবোৰেই আমন্ত্ৰিত হৈছিল এই বিয়াত৷ শনিবাৰে অনন্ত-ৰাধিকাৰ বিবাহৰ পাছত আশীৰ্বাদ পৰ্বত উপস্থিত হ’ল দেশৰ প্ৰধানমন্ত্ৰী নৰেন্দ্ৰ মোদীও৷ প্ৰধানমন্ত্ৰীক গেটৰ পৰা আদৰি নিলে মুকেশ আৰু নীতা আম্বানীয়ে৷
শনিবাৰে নিশা অনন্ত ৰাধিকাৰ আশীৰ্বাদ অনুষ্ঠান আছিল৷ সেই অনুষ্ঠানতেই উপস্থিত হৈছে প্ৰধানমন্ত্ৰী মোদী৷ বিবাহৰ দিনা তেওঁ আহিব নোৱাৰিলে যাৰবাবে এই অনুষ্ঠানত উপস্থিত হৈছে মোদী৷ অনুষ্ঠানত উপস্থিত হৈ নৱদম্পত্তিক মোদীয়ে আশীৰ্বাদ দিয়াই নহয়, দিলে বিলাসী উপহাৰো৷ এই অনুষ্ঠানস্থলত উপস্থিত হৈ নীতা আম্বানীক নমস্কাৰ জনাই মোদীয়ে৷ মঞ্চত মোদী উঠাৰ লগে লগেই প্ৰধানমন্ত্ৰীৰ ভৰি চুই আশীৰ্বাদ লয় নৱদম্পত্তিয়ে৷ মোদীয়েও আশীৰ্বাদ দিয়ে নৰেন্দ্ৰ মোদীক৷
কি উপহাৰ দিলে প্রধানমন্ত্ৰীয়ে?
নৱদম্পতিহালক কেৱল আশীৰ্বাদ দিয়াই নহয় মোদীয়ে দিছে বিশেষ উপহাৰো৷ দুটা বৃহৎ আকাৰৰ পেকেট ৰাধিকা আৰু অনন্তৰ হাতত তুলি দিয়ে মোদীয়ে৷ সেই বিশেষ পেকেট দুটাৰ ওপৰত লিখা আছিল নমো৷ এই পেকেটৰ এটাত আছিল ৰূপৰ কাঁহি তাত সজাই থোৱা আছে দেৱ দেৱীৰ মূৰ্তি৷ অৱশ্যে আনটো পেকেটত কি আছে সেয়া জানিব পৰা হোৱা নাই৷
বিশ্বৰ অন্যতম ধনী ব্যক্তি ৰিলায়েন্সৰ কৰ্তা মুকেশ আম্বানী আৰু নীতা আম্বানীৰ কনিষ্ঠ সন্তান অনন্তৰ সৈতে ব্যৱসায়ী কন্যা ৰাধিকা মাৰ্চেণ্টৰ বিয়া হয় ১২ জুলাই শুকুৰবাৰে৷ বছৰৰ প্ৰায় ছমাহ দিনধৰি দুয়োৰে প্ৰাক বিবাহৰ অনুষ্ঠান চলি আছে৷ বিয়াৰ জাকজমকতা আৰু বৈভৱ দেখি অবাক হৈছে সমগ্ৰ বিশ্ব৷ শুকুৰবাৰে সামাজিক ৰীতি নীতিয়ে দুয়ো বিয়াত বহে৷
কোন নাই এই বিয়াৰ অনুষ্ঠানত৷ শ্বাহৰুখ, ছলমান, প্ৰিয়ংকা, দীপিকাকে ধৰি প্ৰায় সকলো তাৰকাই এই অনুষ্ঠানত৷ আনকি হলীউড অভিনেতা তথা WWE খেলুৱৈ জন ছিনাও আহিছে এই অনুষ্ঠানলৈ৷ প্ৰাক্তন ব্ৰিটিছ প্ৰেছিডেণ্ট বৰিছ জনছন, টনি ব্লেয়াৰৰ পৰা মহাৰাষ্ট্ৰৰ মুখ্যমন্ত্ৰী একনাথ শিন্ডে, চন্দ্ৰবাবু নাইডু, শাৰদ পাৱাৰ, মমতা বেনাৰ্জীকো দেখা গ’ল এই অনুষ্ঠানত৷
আম্বানীৰ বিয়াৰ অতিথিসকলক অনা নিয়া কৰাৰ বাবে তিনিখন ফেলকন-২০০০ জেট বিমান ভাড়া কৰিছিল মুকেশ আম্বানীয়ে৷ বিয়াত আমন্ত্ৰিত বিশিষ্ট অতিথিসকলক দেশৰ বিভিন্ন প্ৰান্তৰ পৰা অনা নিয়াৰ কাম কৰিছে এই বিদেশী জেট চাৰ্টাৰ্ড বিমানে৷ কেৱল ১০ আসনবিশিষ্ট এই তিনিখন জেটেই নহয়, অন্তত ১০০খন বিমান তিনিদিন ধৰি অতিথিসকলৰ বাবে নিয়োজিত হৈ আছে৷ এই বিমানৰ প্ৰতিঘণ্টাৰ ভাড়া হৈছে ৭লাখ ২০ হাজাৰ টকা৷ আনুসংগিক খৰচ পৃথক৷
ইতিমধ্যেই মুম্বাই পুলিছে বিগত ১২ জুলাইৰ পৰা ১৫ জুলাই পৰ্যন্ত বান্দা-কুৰালা কমপ্লেক্সমুখী সমস্ত ৰাস্তাত সাধাৰণ যান বাহন চলাচলত নিষেধাজ্ঞা জাৰি কৰা হৈছে৷ কেৱলমাত্ৰ বিয়ালৈ অহা বাহনহে এই ৰাস্তাৰে আহিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
