৪ বছৰীয়া প্ৰেম, ৩ বাৰ বিয়া, অৱশেষত হাৰ্দিক-নাটাছাৰ বিচ্ছেদ, পাছে কোটিপতি হ’ল তৃতীয় এজন
হাৰ্দিক আৰু নাটাছাৰ প্ৰেম কাহিনী এখন ছবিৰ কাহিনীতকৈ কম নহয়। ৪ বছৰীয়া প্ৰেম পাছত ৩ বাৰকৈ বিভিন্ন নিয়মেৰে বিবাহ। বিয়াৰ প্ৰস্তাৱ দিয়া ঘটনাও আজিলৈকে মনত ৰাখিছে অনুৰাগীয়ে। পাছে সেই সকলোবোৰৰ অন্তত বিচ্ছেদ নাটাছা আৰু হাৰ্দিকৰ।
ভাৰতীয় ক্ৰিকেট দলৰ তাৰকা ক্ৰিকেটাৰ হাৰ্দিক পাণ্ডিয়া আৰু তেওঁৰ পত্নী নাটাছা ষ্টেনকভিচৰ বিবাহ বিচ্ছেদ। দুয়োগৰাকীয়ে পৃথক তথা বিচ্ছেদৰ কথা ইনষ্টাগ্ৰাম যোগে সদৰি কৰে। দুয়োৰে বিবাহ বিচ্ছেদৰ পিছত পুত্ৰ অগস্ত্যৰ লালন-পালন আৰু পত্নীৰ ভৰণ-পোষণক লৈ বিভিন্ন ধৰণৰ উৰাবাতৰি ছ’চিয়েল মিডিয়াত ভাইৰেল হৈ আছে।
যদিও দুয়োৰে মাজত পাৰস্পৰিক সন্মতিৰে বিবাহ বিচ্ছেদ সংঘটিত হৈছে, তথাপিও ৰায়, ডিক্রী বা আদেশৰ কপি নেদেখি মানুহে সকলো ধৰণৰ জল্পনা-কল্পনা কৰি আছে৷ আনহাতে আইনী বিশেষজ্ঞসকলে কয়, দুয়োজনেই সন্মতি সাপেক্ষে পৃথক হৈছে।
বিবাহ বিচ্ছেদৰ পিছত সাধাৰণতে দেখা যায় যে ভৰণ-পোষণৰ সন্দৰ্ভত স্বামী-স্ত্ৰীৰ মাজত বিবাদ হয়। এই বিষয়টো কেৱল পৰিয়াল আদালততহে সমাধান কৰা হয়। যদি দম্পতীহালে পাৰস্পৰিক সন্মতিৰে বিবাহ বিচ্ছেদ লয় আৰু দুয়োজনে লিখিতভাৱে আদালতত দিয়ে, তেন্তে ন্যায়াধীশে স্বাক্ষৰ কৰে।
এইটোও বিবাহ বিচ্ছেদৰ প্ৰক্ৰিয়া। অৱশ্যে এই প্ৰক্ৰিয়াতো ৬ মাহ সময় লাগে। সেই কাৰণেই ১৮ জুলাইত হাৰ্দিক আৰু নাটাছাৰ বিবাহ বিচ্ছেদৰ আনুষ্ঠানিক সিদ্ধান্তৰ খবৰ আহিছিল। অৰ্থাৎ দুয়োজনে পাৰস্পৰিক সন্মতিৰে ছমাহ পূৰ্বে আদালতত বিবাহ বিচ্ছেদৰ আবেদন দাখিল কৰিছিল। যাৰ বাবেই ইমান দিনে দুয়োৰে বিচ্ছেদৰ কথা ভাইৰেল হৈ আছিল।
এতিয়া বিচ্ছেদৰ কথা সঁচা প্ৰমাণিত হোৱাৰ পাছত আন এক প্ৰশ্ন উত্থাপন হৈছে- যে হাৰ্দিক পাণ্ডিয়াই বিবাহ-বিচ্ছেদিত পত্নীক জীৱিকা হিচাপে কিমান কোটি টকা দিব লাগিব? যি পূৰ্বে হাৰ্দিকৰ মুঠ সম্পত্তিৰ ৭০ শতাংশ পাব বুলি ভাইৰেল হৈ আছিল।
আনহাতে আন এক প্ৰশ্ন – দুয়োৰে ভিতৰত কোনে পুত্ৰৰ লালন-পালনৰ দায়িত্ব ল’ব আৰু খৰচ দুয়োটাই বহন কৰিব নে কেৱল হাৰ্দিকে?
এই ক্ষেত্ৰত আইননজ্ঞই কয় যে, হাৰ্দিক আৰু নাটাছাৰ বিবাহ বিচ্ছেদ পাৰস্পৰিক সন্মতিৰে সিদ্ধান্ত লৈছে, আদালতে কেৱল লিখিত তথ্যহে দিব লাগিব। তাৰ পিছত আদালতে অনুমোদন দিয়ে। দুয়োৰে মাজত নিশ্চয় ইতিমধ্যে সিদ্ধান্ত লোৱা হৈছে যে তেওঁলোকে প্ৰতিমাহে নিৰ্দিষ্ট ধন পাব নে একে পৰিমাণৰ ধনহে লব। অৰ্থাৎ হাৰ্ডিকে নিশ্চয় এবাৰতে নাটাছাক নিৰ্দিষ্ট পৰিমাণৰ ধন দিছিল। ইয়াত দুয়োৰে মাজত সিদ্ধান্ত লোৱা চৰ্ত মানি চলিব লাগিব। যদি নাটাছাই ১০, ২০, ৫০ কোটি বা ৭০ কোটিৰ দৰে এককালীন ধন লৈছে, তেন্তে তেওঁৰ তথ্য আৰু প্ৰমাণ আদালতত দিব লাগিব।
কিন্তু তাৰ বাহিৰে নাটাছা নিজৰ ফালৰ পৰা পাছত সম্পত্তিৰ ভাগ লাভ নকৰে। অৱশ্যে পিছত সন্তানে সেই সম্পত্তিৰ ভাগ পাব। অৱশ্যে এই ক্ষেত্ৰত হাৰ্ডিকৰ পিতৃ-মাতৃয়ো সম্পত্তিৰ অধিকাৰী। অধিকাংশ সম্পত্তি বৰ্তমানে মাতৃৰ নামত। ভৱিষ্যতে সেয়া হাৰ্ডিকৰ সন্তানৰ নামত যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ