ভাৰতীয় যুৱকৰ বিদেশত বিশেষ অস্ত্ৰোপচাৰ, পেটৰ পৰা বাহিৰ কৰিলে এডাল ২৫ ইঞ্চিৰ কুচিয়া মাছ
ভিয়েটনামত বাস কৰা এজন ভাৰতীয় লোকে নিজৰ শৰীৰৰ সৈতে অদ্ভুত কাম কৰি চিকিৎসকৰ লগতে সকলোকে আচৰিত কৰি তুলিছে। পৰিস্থিতি ইমানেই ভয়াৱহ হৈ পৰিল যে যুৱকজনক ততাতৈয়াকৈ চিকিৎসালয়ত ভৰ্তি কৰোৱা হয় আৰু চিকিৎসকে তৎকালীন ভাৱে অস্ত্ৰোপচাৰ কৰে।
সেই অস্ত্ৰোপচাৰৰ জৰিয়তে কোনোমতে জীৱন ৰক্ষা পৰে ভাৰতীয় যুৱজকজনৰ। অস্ত্ৰোপচাৰৰ জৰিয়তে যুৱকজনৰ পেটৰ পৰা বাহিৰ কৰে এডাল জীৱন্ত কুচিয়া মাছ।
যুৱকজনৰ গোটেই বিষয়টো জনাৰ পিছত চিকিৎসকো বিভ্ৰান্ত হয়। আচলতে যুৱকজনে নিজৰ শৰীৰৰ ভিতৰত মলদ্বাৰৰ মাজেৰে এডাল জীৱন্ত কুচিয়া মাছ সুমুৱাই দিছিল। এই চাঞ্চল্যকৰ গোচৰটো পোহৰলৈ অহাৰ পিছতে স্তম্ভিত হৈ পৰিছে সকলো। প্ৰথমে চিকিৎসকে এই কথা বিশ্বাস কৰা নাছিল। পাছত এক্স-ৰে কৰোতেহে ধৰা পৰে সকলো।
চিকিৎসকে জনোৱা মতে, ২৭ জুলাইত এজন লোকে চিকিৎসালয়ত উপস্থিত হৈ কয় যে কিছুসময় পূৰ্বে লোকজনে মলদ্বাৰৰ জৰিয়তে নিজৰ ভিতৰত এডাল জীৱন্ত কুচিয়া মাছ সুমুৱাই দিছিল। বাহিৰলৈ ওলাই অহাৰ বাবে কুচিয়া মাছডালে ব্যক্তিজনৰ পেটৰ ভিতৰত প্ৰৱেশ কৰি মলদ্বাৰ আৰু বৃহদান্ত্ৰত কামোৰ মাৰে।
প্ৰথমে চিকিৎসকে মলদ্বাৰৰ মাজেৰে মাছডাল আঁতৰাবলৈ চেষ্টা কৰিছিল যদিও সফল নোহোৱাত জৰুৰী অস্ত্ৰোপচাৰ কৰে। অস্ত্ৰোপচাৰৰ জৰিয়তে চিকিৎসকে প্ৰায় ২৫ ইঞ্চি দীঘল আৰু ৪ ইঞ্চি ডাঙৰ কুচিয়া মাছৰ লগতে এটা নেমু বাহিৰ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
