৩ টা সোণ, অভিলেখ ৰচি পেৰিছ পেৰালিম্পিকত ভাৰতীয় খেলুৱৈয়ে এদিনতে লাভ কৰিলে ৮টা পদক লাভ কৰে
পেৰিছ পেৰালিম্পিকৰ ৫ম দিনত ভাৰতে ইতিহাস ৰচি মুঠ ৮টা পদক লাভ কৰে। ইয়াৰ ভিতৰত আছে ২টা স্বৰ্ণ পদক। যাৰ ফলত ভাৰতৰ স্বৰ্ণ পদকৰ সংখ্যা ৩ টা লৈ বৃদ্ধি পালে। অলিম্পিক বা পেৰালিম্পিক গেমছত ভাৰতৰ এয়া সৰ্বশ্ৰেষ্ট প্ৰদৰ্শন। ভাৰতে ইয়াৰ পূৰ্বে কেতিয়াও এদিনতে ইমান বৃহৎ সংখ্যক পদক লাভ কৰা নাছিল।
সোমবাৰে ভাৰতীয় খেলুৱৈসকলে নতুন ইতিহাস ৰচনা কৰি এটা দিনতে ২টা স্বৰ্ণ, ৩টা ৰূপ আৰু ৩টা ব্ৰঞ্জৰ পদক লাভ কৰে। জেভেলিন নিক্ষেপত নতুন পেৰালিম্পিক অভিলেখো গঢ়িলে ভাৰতৰ সুমিত এন্টিলে।
বেডমিণ্টনত ৫টা পদক লাভ কৰে কালিৰ দিনটোত। সোমবাৰে ভাৰতে বেডমিণ্টন ইভেণ্টত সৰ্বাধিক ৫টা পদক লাভ কৰে। ইয়াৰ আৰম্ভণি হৈছিল নীতিশ কুমাৰৰ পৰা, যিয়ে একক এছ এল-৩ মেচত ব্ৰিটেইনৰ ডেনিয়েল বেথেলক পৰাস্ত কৰি স্বৰ্ণ পদক লাভ কৰিছিল। মহিলা একক SU-5 ৰ অন্তিম মেচত চীনৰ কিউ জিয়া ইয়াঙৰ হাতত পৰাস্ত হৈ ভাৰতৰ হৈ ৰূপৰ পদক অৰ্জন কৰে তুলসীমাথি মুৰুগেছানে।
বেডমিণ্টনত তৃতীয় পদক লাভ কৰে মনীষা ৰামদাসে ডেনমাৰ্কৰ কেথেৰিন ৰ’জেনগ্ৰেনক পৰাস্ত কৰি ব্ৰঞ্জৰ পদক লাভ কৰে। আই এ এছ বিষয়া তথা খেলুৱৈ সুহাস যথিৰাজেও ৰূপৰ পদক লাভ কৰে। পুৰুষৰ একক এছ এল-৪ ইভেণ্টৰ অন্তিমখন খেলত ফ্ৰান্সৰ লুকাছ মাজুৰে পৰাস্ত কৰে। ইয়াৰ পিছত নিত্যই বেডমিণ্টন প্ৰতিযোগিতাত ৫ম পদক লাভ কৰে।
ভাৰতীয় খেলুৱৈ সুমিত এন্টিলে এক নতুন ইতিহাস সৃষ্টি কৰি পেৰিছ পেৰালিম্পিকত অভিলেখ গঢ়িবলৈ সক্ষম হয়। টকিঅ’ পেৰালিম্পিক-২০২০ত জেভেলিন থ্ৰ’ ইভেণ্টতো স্বৰ্ণ পদক লাভ কৰে। এইবাৰো তেওঁ সহজেই খিতাপ ৰক্ষা কৰিলে। খিতাপ ৰক্ষা কৰা দ্বিতীয়জন ভাৰতীয় পেৰা এথলীট হিচাপে পৰিগণিত হৈছে সুমিত আণ্টিল। সুমিটে ৭০.৫৯ মিটাৰ দলিয়াই অভিলেখ সৃষ্টি কৰি স্বৰ্ণ পদক লাভ কৰে। এইটোৱেই হৈছে পেৰালিম্পিক গেমছৰ আটাইতকৈ দীঘলীয়া দূৰত্বৰ অভিলেখ।
ভাৰতীয় ধনুৰ্বিদ শীতল দেৱী আৰু ৰাকেশ কুমাৰৰ যুটিয়ে মিক্সড টিম কম্পাউণ্ড অ’পেন ইভেণ্টত ইটালীৰ মেটিঅ’ বনাচিনা আৰু এলিওনোৰা সাৰ্টিক ১৫৬-১৫৫ গ’লত পৰাস্ত কৰি ব্ৰঞ্জৰ পদক লাভ কৰে। শীতলে ধনুৰ্বিদ্যাত পদক লাভ কৰা প্ৰথমগৰাকী ভাৰতীয় মহিলা হিচাপে পৰিগণিত হয়।
সোমবাৰে ঐতিহাসিক ৮টা পদক লাভ কৰাৰ পাছত ভাৰতে পেৰালিম্পিক গেমছত দ্বৈত সংখ্যা অতিক্ৰম কৰিলে। ইয়াৰ পূৰ্বে টকিঅ’ পেৰালিম্পিক-২০২০তো ভাৰতে দুগুণ সংখ্যা অতিক্ৰম কৰিছিল। সেইবাৰ ভাৰতে মুঠ ১৯টা পদক লাভ কৰিছিল। এইবাৰ ভাৰতে ৫ম দিনটোতে ১৫টা পদক লাভ কৰিছে। ৩টা স্বৰ্ণ, ৫টা ৰূপ আৰু ৭টা ব্ৰঞ্জৰ পদকেৰে পইণ্ট তালিকাত ১৫ নম্বৰ স্থানত আছে ভাৰত।
ভাৰতে এতিয়ালৈকে লাভ কৰা পদকৰ তালিকা-
১ শ্বুটিং মহিলাৰ ১০ মিটাৰ এয়াৰ ৰাইফল ষ্টেণ্ডিং SH1 অৱনী লেখাৰা সোণ
২ শ্বুটিং মহিলাৰ ১০ মিটাৰ এয়াৰ ৰাইফল ষ্টেণ্ডিং SH1 মোনা আগৰৱালা ব্ৰঞ্জ
৩ এথলেটিকছ মহিলাৰ ১০০ মিটাৰ টি৩৫ প্ৰীতি পাল ব্ৰঞ্জ
৪ শ্বুটিং পুৰুষৰ ১০ মিটাৰ এয়াৰ পিষ্টল SH1 মনীষ নৰৱাল ৰূপ
৫ শ্বুটিং মহিলাৰ ১০ মিটাৰ এয়াৰ পিষ্টল SH1 ৰুবিনা ফ্ৰান্সিছ ব্ৰঞ্জ
৬ এথলেটিকছ মহিলাৰ ২০০ মিটাৰ টি৩৫ প্ৰীতি পাল ব্ৰঞ্জ
৭ এথলেটিকছ পুৰুষৰ হাই জাম্প T47 নিশাদ কুমাৰ ৰূপ
৮ এথলেটিকছ পুৰুষৰ ডিস্কাছ থ্ৰ’ F56 যোগেশ কথুনিয়া ৰূপ
৯ বেডমিণ্টন পুৰুষৰ একক SL3 নিতেশ কুমাৰ সোণ
১০ বেডমিণ্টন মহিলাৰ একক SU5 থুলাচিমাথি মুৰুগেছান ৰূপ
১১ বেডমিণ্টন মহিলাৰ একক SU5 মনীষা ৰামদাস ব্ৰঞ্জ
১২ বেডমিণ্টন পুৰুষৰ একক SL4 সুহাস যথিৰাজ ৰূপ
১৩ ধনুৰ্বিদ মিক্সড টিম কম্পাউণ্ড মুকলি ৰাকেশ কুমাৰ আৰু সীতাল দেৱী ব্ৰঞ্জ
১৪ এথলেটিকছ জেভেলিন থ্ৰ’ F64 চুমিট এন্টিল সোণ
১৫ বেডমিণ্টন মহিলাৰ একক SH6 নিত্য শ্ৰী শিৱন ব্ৰঞ্জ
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
