কেমো থেৰাপীৰ মাজতে কইনাৰ সাজত হিনা খান
ভাৰতীয় টিলিভিছন জগতৰ এগৰাকী জনপ্ৰিয় অভিনেত্ৰী হিনা খান। যি বৰ্তমানে কেঞ্চাৰৰ তৃতীয় ষ্টেজৰ সৈতে যুঁজ দি আছে। এফালে কেমো থেৰাপীৰ ফলত হেৰুৱাছে মূৰৰ চুলি। কিন্তু হিনাই হেৰুওৱা নাই মনৰ শক্তি।
কেমো থেৰাপী লৈ থকাৰ সময়তে সদ্যহতে হিনাক দেখা পোৱা গ’ল কইনাৰ সাজত। ৰঙা লেহেংগা পৰিধান কৰি ৰেম্পত খোজ দিয়া গ’ল অভিনেত্ৰীগৰাকীক। হিনাক তেনেদৰে দেখি বহু অনুৰাগীয়েই মন্তব্য কৰিছে এয়াহে বনৰ ৰজা, হাৰ নমনা ৰজা।
উল্লেখ্য যে, সদ্যহতে অভিনেত্ৰী হিনা খানে সামাজিক মাধ্যমত এক ৰেম্পৰ ভিডিঅ’ শ্বেয়াৰ কৰিছে। যি ৰেম্পত মডেল হিচাপে খোজ দিছে হিনা খানে। সেই সময়ৰে ফটোৰ লগতে ভিডিঅ শ্বেয়াৰ কৰিছে অভিনেত্ৰীগৰাকীয়ে।
পোষ্টটো শ্বেয়াৰ কৰি হিনাই এক অতিকে হৃদয়স্পৰ্শী কথা লিখিছে- ‘পাপাই সদায় কৈছিল, দেউতাৰ শক্তিশালী ছোৱালী, কেতিয়াও কান্দি থকা কেঁচুৱা নহবা, যিয়ে সকলো কথাতে কান্দি থাকে। কেতিয়াও নিজৰ সমস্যাৰ অভিযোগ নকৰিবা। জীৱনটো নিয়ন্ত্ৰণ কৰিবলৈ শিকা। সাহসেৰে দৃঢ়তাৰে থিয় হোৱা আৰু বিপদৰ সন্মুখীন হোৱা। সেইবাবেই মইও ফলাফলৰ কথা চিন্তা কৰা বন্ধ কৰি দিছো। এতিয়া মই কেৱল মোৰ নিয়ন্ত্ৰণত থকা বস্তুবোৰৰ ওপৰতহে গুৰুত্ব দিছো। বাকী সকলো আল্লাহৰ ওপৰত এৰি দিছো।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
