ছাত্ৰ-ছাত্ৰীৰে ভৰ্তি স্কুল বাহনত হঠাতে গুলিচালনাৰ লগতে শিল নিক্ষেপ, হাহাকাৰ
আজি উত্তৰ প্ৰদেশৰ আমৰোহাত এখন স্কুল ভেনক লক্ষ্য কৰি হঠাকে গুলীচালনা আৰু শিলগুটি নিক্ষেপৰ ঘটনা সংঘটিত হয়। ৪ জন অচিনাকি যুৱকে এইদৰে আতংক বিয়পাই। ঘটনাৰ সময়ত ভেন খনত কন কন ছাত্ৰ-ছাত্ৰী আছিল।
গুলীচালনা আৰু শিল নিক্ষেপ হোৱা দেখি ভেনখনত গৈ থকা স্কুলীয়া ছাত্ৰ-ছাত্ৰীবোৰৰ মাজত হাহাকাৰ পৰিস্থিতি হৈ পৰে। ভয়তে বিতত হৈ ছাত্ৰ-ছাত্ৰী সকলে চিঞৰ বাখৰ কৰিবলৈ ধৰে।
আক্ৰমণ সংঘটিত হোৱা দেখি চালকজনে সকলো ছাত্ৰ-ছাত্ৰীকে সুৰক্ষিতভাৱে সেই স্থানৰ পৰা ভেন লৈ কোনোমতে পলাই সাৰে। দুৰ্ঘটনাৰ সময়ত ভেনখনত যাত্ৰা কৰি আছিল চতুৰ্থ শ্ৰেণীৰ ২৮ টি কন কন শিশু।
অতৰ্কীতে হোৱা এই আক্ৰমণত বিতত নহৈ ছাত্ৰ-ছাত্ৰী সকলৰ কথা ভাৱি বাছ চালকজনে বুদ্ধি দেখুৱাই গুলীচালনা কৰা লোকসকলৰ মাজৰ পৰা ভেনখন চলাই বিদ্যালয়লৈ লৈ গৈ কন-কন ছাত্ৰ-ছাত্ৰী সকলৰ প্ৰাণ ৰক্ষা কৰে।
এখন স্কুল বাছত গুলীচালনাৰ খবৰ বিয়পি পৰাৰ লগে লগে মহানগৰীখনত আতংকৰ সৃষ্টি হৈছে। গুলীচালনাৰ খবৰ পোৱাৰ লগে লগে সেই স্থানত উপস্থিত হয় আৰক্ষীৰ দল আৰু শীৰ্ষ বিষয়া। গজৰৌলা থানাৰ অন্তৰ্গত অঞ্চলটোত মুকলি কৰা এছ আৰ এছ ইণ্টাৰনেশ্যনেল স্কুলত সংঘটিত হৈছে এই ঘটনা।
সংবাদ মাধ্যমৰ খবৰ অনুসৰি স্কুল ভেনখন বিজেপি নেতাৰ বুলি কোৱা হৈছে, য’ত বাইক চলাই অহা ৪ যুৱকে হঠাতে আক্ৰমণ চলাইছিল। ঘটনাৰ ফলত শিশুৰ মাজত ভয় আৰু আতংক বিয়পি পৰিছে। অভিভাৱক সকলো চিন্তাত পৰিছে এই ঘটনাৰ বাবে।।
যদিও গুলীচালনা আৰু শিলগুটি নিক্ষেপ কৰে হঠাতে, তথাপি কোনো শিশু আহত হোৱাৰ খবৰ পোৱা নাই যদিও ভেনখনৰ ক্ষতিসাধন হৈছে। গুলীচালনা সংঘটিত হোৱা অঞ্চলত স্থাপন কৰা চিচিটিভি কেমেৰা পৰীক্ষা কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
