৭ নৱেম্বৰ ২০২৪ বৃহস্পতিবাৰে চন্দ্ৰই ধনু ৰাশিৰ পৰা বাহিৰলৈ ওলাই বৃশ্চিকত অৱস্থান কৰিব৷ বৈদিক পঞ্জিকা অনুসৰি আজি কাতি মাহৰ শুক্লপক্ষৰ ষষ্ঠী তিতি৷ আজি পালিত হ’ব ষ্কন্দ ষষ্ঠী৷ আজি নিশা ১২ বাজি ৩৪ মিনিট পৰ্যন্ত ষষ্ঠী থাকিব৷ এই সময়ত সূৰ্যই তুলা ৰাশিত অৱস্থান কৰিছে৷ জ্যোতিষ গণনা অনুসৰি আজি ধৃতি যোগ আৰু শূল যোগৰ প্ৰভাৱ আছে৷ আজি দিনজুৰি থাকিব প্ৰথমে পূৰ্ব আষাঢ় আৰু তাৰপিছত উত্তৰ আষাঢ় নক্ষত্ৰৰ প্ৰভাৱ৷ এই সকলো প্ৰভাৱত আজিৰ দিনটো বিশেষ মাহাত্ম্যপূৰ্ণ হ’ব৷ জানি থওক ভাগ্যবান ৰাশিৰ তালিকাত কি কি আছে?
মেষ ৰাশি
আজি দিনটো আনন্দেৰে কটাব মেষ ৰাশিৰ জাতকে৷ আজি আপোনাৰ মনৰ কোনো ইচ্ছা পূৰণ হ’ব৷ নাৰায়ণৰ আশীৰ্বাদত আজি আপুনি যি কামত হাত দিব তাতেই সাফল্য পাব৷ আজি কোনো বৃহৎ ব্যৱসায়িক চুক্তি চূড়ান্ত হ’ব৷ যিসকলে উচ্চশিক্ষা বা পেছাগত প্ৰয়োজনত বিদেশলৈ যাবলৈ ইচ্ছুক তেওঁলোকৰ মনৰ ইচ্ছা এইবাৰ পূৰণ হ’ব৷ চাকৰিয়ালৰ দৰমহা বাঢ়িব৷
কন্যা ৰাশি
আজিৰ দিনটো কন্যা ৰাশিৰ জাতকৰ বাবে শুভ ফলদায়ী হ’ব৷ দীৰ্ঘদিন ধৰি কোনো ধন পাবলগীয়া থাকিলে এই সময়ত লাভ কৰিব৷ সংগীৰ সৈতে ভুল বুজাবুজিৰ অৱসান হ’ব৷ আজি বহু দিন পাছত কোনো পুৰণি বন্ধু দেখা পাব৷ ইয়াৰ ফলত আপোনাৰ মনৰ ইচ্ছা পূৰণ হ’ব৷ আজি আপুনি জ্যেষ্ঠজনৰ সমৰ্থন আৰু সহযোগিতা পাব৷
তুলা ৰাশি
৭ নৱেম্বৰ শুভ দিন হ’ব তুলা ৰাশিৰ জাতকৰ বাবে৷ আজি কোনো পুৰণি অসুখৰ পৰা মুক্তি পাব পাৰে৷ নাৰায়ণৰ আশীৰ্বাদত আপোনাৰ সন্মুখত নতুন উপাৰ্জনৰ পথ মুকলি হ’ব৷ ইয়াৰ ফলত আৰ্থিক পৰিস্থিতি শক্তিশালী হ’ব তুলা ৰাশিৰ জাতকৰ৷ মাটিত বিনিয়োগ কৰিলে তাৰপৰা আপোনাৰ লাভ হ’ব৷ সমাজত সন্মান আৰু প্ৰতিপত্তি লাভ কৰিব৷
ধনু ৰাশি
ধনু ৰাশিৰ জাতকে আজি নিজৰ জীৱনৰ বহু সমস্যাৰ সমাধান কৰিব পাৰিব৷ ইয়াৰ ফলত মনত শান্তি পাব আপুনি৷ জীৱনসংগীৰ সৈতে ভাল সময় কটাব৷ দুজনে কৰোবালৈ যোৱাৰ পৰিকল্পনা কৰিব পাৰে৷ আজি অনলাইন শ্বপিং কৰিব ধনু ৰাশিৰ জাতকে৷ আদালতত গোচৰ চলিলে তাৰপৰাও মুক্তি পাব পাৰে৷
মীন ৰাশি
মীন ৰাশিৰ জাতকে আজি ধৃতি যোগৰ প্ৰভাৱত পৰিয়ালৰ সৈতে ভাল সময় কটোৱাৰ সুযোগ পাব৷ পিতৃ-মাতৃৰ সৈতে কোনো আত্মীয়ৰ ঘৰলৈ যাব পাৰে৷ নববিবাহিত দম্পত্তিৰ ঘৰলৈ কোনো বিশেষ অতিথিৰ আগমন হ’ব পাৰে৷ ইয়াৰ ফলত মীন ৰাশিৰ জাতকৰ ঘৰত আনন্দৰ পৰিবেশ থাকিব৷ ব্যৱসায়ত মোটা লাভ কৰাৰ সম্ভাৱনা আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
