জ্ঞানদ্বীপ লৰাজন ভাল লৰা৷ মোৰ ভাৰা ঘৰত সি ২মাহ ধৰি আছিল৷ সি মাৰ খোৱা লৰা নহয়৷ আৰক্ষী আমাৰ সুৰক্ষাৰ বাবে আছে৷ আৰক্ষীয়ে এনে কাম কৰাটো ভাল কথা নহয়৷ জ্ঞানদ্বীপ সন্দৰ্ভত তেওঁ ভাৰা লৈ থকা গৰাকীয়ে দিছে এই ভাষ্য৷ প্ৰকৃততে ট্ৰেফিক আইন অমান্য কৰাৰ অপৰাধতেই পানবজাৰ থানাৰ অচিয়ে শাৰীৰিকভাৱে অপদস্ত কৰিছিল জ্ঞানদ্বীপ নামৰ ডেলিভাৰি বয়জনক৷
ইতিমধ্যেই এই ঘটনাৰ পাছতেই জ্ঞানদ্বীপে তেওঁ বাস কৰা ভাৰাঘৰ ত্যাগ কৰিছে৷ বৰ্তমান ক’ত আছে জ্ঞানদ্বীপ সেয়া জানিব পৰা হোৱা নাই৷ নিশাৰ ভাগতেই সংবাদমাধ্যমৰ আগত এটা মন্তব্য দিছিল জ্ঞানদ্বীপে তাৰপিছৰে পৰা আঁতৰি আছে জ্ঞানদ্বীপ৷ ভাৰাঘৰৰ গৰাকীয়েও জনাইছে যে জ্ঞানদ্বীপ বৰ্তমান তেওঁৰ ঘৰত নাই৷ কালিৰ ঘটনাটোৰ পাছতেই জ্ঞানদ্বীপে এই ঘৰ ত্যাগ কৰিছে৷
ভাৰাঘৰৰ গৰাকীয়ে কয়, ‘এনে ঘটনা কাৰো সৈতে নঘটক৷ ভাল লৰা আছিল৷ কালিৰে পৰা তাৰ ৰুমটো তলা লাগি আছে৷ ফোন কৰিছো ফোনো ধৰা নাই সি৷ অভিভাৱকেও আমাক যোগাযোগ কৰা নাই৷ সি ডেলিভাৰি বয় বুলি মই জানো৷ ঘটনাটোক মই নিন্দা কৰিছো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
