‘মোদী চৰকাৰলৈ সম্পূৰ্ণ সমৰ্থন’- পেহেলগাম ঘটনাৰ বাবে এক শক্তিত পৰিণত মোদী-গান্ধী-ওৱেছী
দেশৰ বাবে একলগ হ’ল প্ৰধানমন্ত্ৰী নৰেন্দ্ৰ মোদী, ৰাহুল গান্ধী, আছাদুদ্দিন ওৱেছী। একেখন মঞ্চতে বহি পাকিস্তানক শেষ কৰি দিয়াৰ সংকল্প। ৰাহুল গান্ধীয়ে ক’লে, ‘বিজেপিয়ে যি কৰিব বিচাৰে আমি সমৰ্থন কৰিম’।
পেহেলগাম ঘটনাৰ বাবে অপৰাধীৰ বিৰুদ্ধে চৰকাৰে যি ব্যৱস্থা লব, সেই সকলোৰে বাবে সম্পূৰ্ণৰূপে সমৰ্থন জনাইছে বিৰোধীয়ে। কালি ২৪ এপ্ৰিল তাৰিখে সন্ধিয়া চোৰাংচোৱা আৰু চৰকাৰী বিষয়াসকলে নেতাসকলক অৱগত কৰা সৰ্বদলীয় বৈঠকত অংশগ্ৰহণ কৰাৰ পিছত লোকসভাৰ বিৰোধী দলৰ নেতা ৰাহুল গান্ধীয়ে কয় যে, “সকলো ৰাজনৈতিক দলে এই ঘটনাক একেদৰে গৰিহণা দিছে আৰু বিৰোধীয়ে চৰকাৰক যিকোনো ব্যৱস্থা গ্ৰহণ কৰিবলৈ সম্পূৰ্ণ সমৰ্থন আগবঢ়াইছে”।
কংগ্ৰেছৰ মুৰব্বী মল্লিকাৰ্জুন খাৰ্গে লগতে কয় যে আমি বিচাৰো যে জম্মু-কাশ্মীৰত অতি সোনকালে শান্তি পুনৰুদ্ধাৰ হওক।
উল্লেখ্য যে, ২২ এপ্ৰিল তাৰিখে কাশ্মিৰৰ পেহেলগামত সংঘটিত হোৱা ঘটনাত প্ৰাণ হেৰুওৱা ২৫ জন পৰ্যটকৰ ভিতৰত এজন নেপালী নাগৰিক আছিল। বাকীসকল ভাৰতৰ ১৪খন ৰাজ্যৰ পৰা অহা নাগৰিক আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
