বাজিব এয়াৰ ছাইৰেন৷ জাৰি কৰা হ’ব ব্লেকআউট৷ নাগৰিকসকলৰ নিৰাপদ এলেকালৈ লৈ যোৱা হব৷ বুধবাৰে অৰ্থাৎ ৭ মেত সমগ্ৰ দেশজুৰি চলিব যুদ্ধকালীন অনুশীলন৷ সোমবাৰে কেইবাখনো ৰাজ্যক ৭ মেৰ নাগৰিক প্ৰতিৰক্ষাৰ বাবে মক ড্ৰিল বা ছদ্ম অনুশীলন পৰিচালনা কৰাৰ নিৰ্দেশ দিছে গৃহমন্ত্ৰণালয়ে৷
সাম্ভাৱ্য আক্ৰমণৰ বিৰুদ্ধে প্ৰস্তুতি
২২ এপ্ৰিলত পহেলগামত সন্ত্ৰাসবাদী আক্ৰমণৰ পাছৰে পৰাই ভাৰত আৰু পাকিস্তানৰ মাজত উত্তেজনা ক্ৰমে বাঢ়ি গৈছে৷ এই অস্থিৰ প্ৰেক্ষাপটত সাম্ভাৱ্য আক্ৰমণৰ বিৰুদ্ধে প্ৰস্তুতি জোৰদাৰ কৰাৰ লক্ষ্যৰেই এই মকড্ৰিল পৰিচালনা কৰাৰ নিৰ্দেশ দিয়া হৈছে বুলি জনাইছে গৃহমন্ত্ৰণালয়ে৷
যুদ্ধকালীন সময়ৰ বাবে প্ৰস্তুত হৈছে ভাৰত
পহেলগাম আক্ৰমণৰ পাছৰে পৰা ভাৰত আৰু পাকিস্তানৰ মাজত উত্তেজনা ক্ৰমশ বৃদ্ধি পাইছে৷ দুই দেশৰ এখন দেশে আনখন দেশৰ বিৰুদ্ধে একাধিক কূটনৈতিক পদক্ষেপ লৈছে৷ দুই দেশেই সামৰিক প্ৰস্তুতি বঢ়াইছে৷ এই অনিশ্চিত পৰিস্থিতিত ভাৰত জুৰি নাগৰিকসকলক যুদ্ধকালীন সময়ৰ বাবে প্ৰস্তুত হ’বলৈ আহ্বান জনাইছে গৃহমন্ত্ৰণালয়ে৷ এই মকড্ৰিল দেশৰ প্ৰত্যাঘাত কৌশলৰ এক গুৰুত্বপূৰ্ণ অংশ বুলিও জনাইছে গৃহমন্ত্ৰণালয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
