ক্ৰিকেটাৰ আৰু ৰূপালী পৰ্দাৰ অভিনেত্ৰীৰ প্ৰেম বহুদিনীয়া৷ সেই প্ৰেমৰেই সাম্প্ৰতিক উজ্জ্বল দম্পতি হৈছে বিৰাট আৰু অনুষ্কা৷ পেছা আৰু পেছাৰ বাহিৰৰ সম্পৰ্ক সকলো ফালেই তেওঁলোকে নানান নজিৰ গঢ়িছে৷ সাধাৰণ অনুৰাগীসকলৰ বাবে তেওঁলোক অনুপ্ৰেৰণা৷
সম্প্ৰতি টেষ্ট ক্ৰিকেটৰ পৰা অৱসৰৰ সিদ্ধান্ত লৈছে বিৰাটে৷ সোমবাৰে চৰকাৰীভাৱে অৱসৰ ঘোষণা কৰিছে ভাৰতীয় ক্ৰিকেট তাৰকাগৰাকীয়ে৷ তাৰ পূৰ্বে বিৰাট আৰু অনুষ্কাক দেখা গৈছে মুম্বাই বিমান বন্দৰত৷ অনুৰাগীয়ে ধাৰণা কৰিছে হয়তো বিৰাট আৰু অনুষ্কাই লণ্ডনলৈ উভতনি যাত্ৰা কৰিছে অথৱা বিৰাটৰ সৈতে অনুষ্কাই বাংগালুৰুলৈ যাত্ৰা কৰিছে৷
অৱসৰৰ পাছত কি কৰিব বিৰাটে সেই বিষয়ক লৈয়ো বহুতে আলোচনা কৰিছে৷ এই সন্দৰ্ভত ক্ৰিকেট তাৰকা বিৰাটে পূৰ্বেই দি থৈছে উত্তৰ৷ তেওঁ পূৰ্বেই জনাই থৈছে পৰিকল্পনাৰ কথা৷ এক সাক্ষাৎকাৰত বিৰাটে অৱসৰ যাপনক লৈ কৈছিল, ‘মই নাজানো অৱসৰৰ পাছত মই কি কৰিম৷ মোৰ এগৰাকী সতীৰ্থইয়ো মোক এই বিষয়ে সুধিছিল৷ মই তেওঁকো একো উত্তৰ দিব নোৱাৰিলো৷ হয়তো অৱসৰৰ পাছত মই খুব ফুৰিম৷’
বিগত কেইবা বছৰ অনুষ্কাও বলীউডত নাই৷ অভিনয়ৰ পৰা আঁতৰি পুত্ৰ আৰু কন্যাক ডাঙৰ কৰাতহে আগ্ৰহী তেওঁ৷ দেশ এৰি লণ্ডনত থাকে অনুষ্কা৷ ফলত এয়াও ভাৱিব পাৰি যে এতিয়া অনুষ্কা আৰু বিৰাটে দুই পুত্ৰ কন্যাক লৈ সুসময় কটাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
