অমিতাভক চেৰ পেলাই অধিক মাননি লোৱা অভিনেতাই পাছে বলীউডক দিলে মাথো ৩খন চিনেমা, তাকো ফ্লপ
৯০ৰ দশকত বিগ বি মানেই ছুপাৰহিট ছবি, ছুপাৰষ্টাৰ গৰাকীৰ এবাৰ দৰ্শন পাবলৈ তেখেতৰ চিনেমা চোৱাৰ লগতে তেখেতৰ ঘৰৰ সমুখতো ভিৰ কৰিছিল বহু অনুৰাগীয়ে। আজিয়ো অক্ষত আছে সেই জনপ্ৰিয়তা। বিগ বি মানেই সমীহ কৰি চলে সকলো অভিনেতাই।
পাছে এগৰাকী এনে অভিনেতা আছে, যিয়ে অমিতাভৰ জনপ্ৰিয়তাৰ সময়তে লৈছিল অমিতাভতকৈ অধিক মাননি। কিন্তু বলীউডক সেই অভিনেতাই দিলে মাথো তিনিখন ছবি, তাকো তিনিওখনে ছুপাৰ ফ্লপ।
এই অভিনেতাগৰাকী হৈছে দক্ষিণৰ মেগা-ছুপাৰষ্টাৰ চিৰঞ্জীৱী। এক প্ৰখ্যাত মেগাজিনত প্ৰকাশিত তথ্য অনুসৰি, ৯০ৰ দশকত অমিতাভ বচ্চনে লৈছিল ১ কোটি টকা আৰু তাৰ বিপৰীতে চিৰঞ্জীৱীয়ে লৈছিল ১.২৫ কোটি টকা। সেই সময়ত সেয়াই আছিল সৰ্বাধিক মাননি।
দক্ষিণত ভাৰতত প্ৰতিগৰাকী লোকৰে প্ৰিয় অভিনেতা চিৰঞ্জীৱী বুলি কলেও ভুল কোৱা নহব,পাছে সেই চিৰঞ্জীৱী কিন্তু বলীউডত ফ্লপ।
চিৰিঞ্জীৱীয়ে নিজৰ কেৰিয়াত ১৫০ৰো অধিক ছবিত কাম কৰিছে। নিজৰ অভিনয়েৰে দৰ্শকৰ হৃদয় জয় কৰাৰ লগতে লাভ কৰিছে ১০ টাকৈ ফিল্ম ফেয়াৰ বঁটা, লগতে দক্ষিণৰ শ্ৰেষ্ঠ বঁটা নন্দী বঁটা ৪ টা।
কিন্তু চিৰঞ্জীৱীয়ে বলীউডত কৰা তিনিখন ছবি ক্ৰমে- ‘প্ৰতিবন্ধ’, ‘আজ কা গুণ্ডাৰাজ’, আৰু ‘দ্য জেণ্টেলমেন’, তিনিওখনে ফ্লপ। সেইদিন ধৰি আৰু কোনোদিনে বলীউডলৈ উভতি নাচালে দক্ষিণৰ মেগা ছুপাৰষ্টাৰগৰাকীয়ে। অৱশ্যে তেখেতৰ দক্ষিণৰ ছবিবোৰেই হিন্দীত ডাবিং হৈ দৰ্শকৰ মাজলৈ আহিছে, বলীউডৰ দৰ্শকে সেই ডাবিং ছবি আঁকোৱালী লৈছে।
বৰ্তমানে ৩২৩০ কোটিৰো অধিক সম্পত্তিৰ মালিক চিৰঞ্জীৱী। অভিনয়ৰ লগতে চিনেমা প্ৰযোজনাও কৰিছে, লগতে ৰাজনীতিতো ভৰি দিছে দক্ষিণৰ মেগা ছুপাৰষ্টাৰ গৰাকীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
