ভালপোৱা দামী ষ্টেটাছ, ভাল চাকৰি বা এগালমান ধন সম্পত্তিৰ ওপৰত ভিত্তি কৰি নহয়৷ হঠাতেই ঘটি যায়৷ এনে এক কাহিনী ভাইৰেল হৈছে সামাজিক মাধ্যমত৷ পাকিস্তানৰ এগৰাকী এম বি বি এছ চিকিৎসক ডাঃ কিশোয়াৰা চাহিবা আৰু তেওঁৰ হাস্পতালৰ এগৰাকী ছাপাইকৰ্মী শ্বেহজাদৰ কাহিনী৷ চাহিবাই জনাইছে, কেনেকৈ তেওঁ এগৰাকী হাস্পতালত কৰ্মৰত এজন কৰ্মী শ্বেহজাদক প্ৰেমৰ প্ৰস্তাৱ দিছিল৷
সম্প্ৰতি এক ইউটিউব চেনেলত চাহিবাই কয়, তেওঁ যেতিয়া প্ৰথম শ্বেহজাদৰ সৈতে মুখামুখি হৈছিল তেতিয়াৰ পৰাই তেওঁক ছাফাইকৰ্মী হিচাপে চোৱা নাছিল৷ তেওঁৰ সততা, সৰলতা আৰু নিষ্ঠাই চাহিবাৰ হৃদয় চুই গৈছিল৷ তেওঁ শ্বেহজাদক বিবাহৰ প্ৰস্তাৱ দিয়ে৷ কাৰণ তেওঁ শ্বেহজাদৰ সৈতে বিবাহৰ কথা আগুৱাই নিয়ে৷
শ্বেহজাদে পোনতে চাহিবাই তেওঁক সঁচাকৈ ভালপায় সেয়া বিশ্বাস কৰিব পৰা নাছিল৷ কিন্তু যেতিয়া বুজিব পাৰিলে যে চাহিবাৰ অনুভূতি তেওঁক লৈ কেনেকুৱা, সেয়া জানিয়েই বিবাহৰ দিশেৰে আগবাঢ়ে দুয়ো৷ সমাজৰ কথাবোৰ আওকান কৰি দুয়ো বিবাহ কৰায়৷
বিবাহৰ পাছত ছাহিবা আৰু শ্বেহজাদ দুজনেই তেওঁলোকৰ চাকৰিৰ পৰা অব্যাহতি লৈ নতুন অধ্যায় আৰম্ভ কৰে৷ শ্বেহজাদে এখন ঔষধৰ দোকান খুলে৷ অন্যহাতে ছাহিবাই এগৰাকী বেচৰকাৰী চিকিৎসক হিচাপে কৰ্মৰত৷ দুয়োৱে একেলগে এখন ক্লিনিক খোলাৰো পৰিকল্পনা কৰিছে৷ তেওঁলোকৰ প্ৰেমৰ গল্পই লাখ লাখ মানুহৰ হৃদয় চুই গৈছে৷ তেওঁলোকৰ ভিডিঅ’ ভাইৰেল হৈছে আৰু কোটি কোটি ভিউছো পাইছে সেই ভিডিঅই৷
শ্বেহজাদে প্ৰেমৰ আৰম্ভণিৰ কথাবোৰ সোঁৱৰি কয়, ‘আমি তিনিজন ছাফাইকৰ্মীয়ে ভিন্ন চিকিৎসকৰ অফিচ পৰিস্কাৰ কৰিছিলো৷ জীৱনত কেতিয়াও কল্পনা কৰা নাছিলো যে এগৰাকী চিকিৎসক মোৰ প্ৰেমত পৰিব৷ চাহিবাই মোৰ ফোন নম্বৰ বিচাৰিছিল তেনেকৈ আমাৰ কথোপকথন আৰম্ভ লৈছিল৷ বাৰ্তালাপৰ পৰাই প্ৰেম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
