পোহৰৰ উৎসৱ দীপাৱলীৰ উপলক্ষে দেশবাসীক শুভেচ্ছা জনাই এক বিশেষ বাৰ্তা আগবঢ়াইছে কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খাৰ্গেই। দীপাৱলীক ‘আনন্দৰ ঈদ’ বুলি অভিহিত কৰি তেওঁ এই উৎসৱক মানুহৰ মাজত মৰম, ভাতৃত্ববোধ আৰু ঐক্যৰ বন্ধন অধিক শক্তিশালী কৰাৰ এক বিশেষ সুযোগ হিচাপে উল্লেখ কৰে।
খাৰ্গেৰ এই মন্তব্যই উৎসৱৰ আনন্দৰ মাজত দেশৰ সামাজিক সম্প্ৰীতি আৰু একতাৰ গুৰুত্বক পুনৰ উজ্জ্বল কৰি তুলিছে। তেওঁৰ মতে, দীপাৱলী হৈছে এনে এক উৎসৱ, যিয়ে মানুহক একত্ৰিত কৰে আৰু আত্মীয়-স্বজন তথা আপোনজনৰ সৈতে মিলিত হোৱাৰ সুযোগ প্ৰদান কৰে।
‘দীপাৱলী হৈছে আনন্দৰ ঈদ’
দীপাৱলীৰ শুভেচ্ছা জ্ঞাপন কৰি মল্লিকাৰ্জুন খাৰ্গেই উৎসৱটোক আনন্দ আৰু মিলনৰ প্ৰতীক হিচাপে উল্লেখ কৰে। তেওঁৰ মতে, দীপাৱলীৰ আনন্দ কেৱল এটা দিনতে সীমাবদ্ধ নহয়, বৰঞ্চ কেইবাদিনো ধৰি চলা আনন্দৰ এক বিশেষ উপলক্ষ।
এই উৎসৱৰ জৰিয়তে মানুহে নিজৰ মাজৰ দূৰত্ব কমাই আনিব পাৰে। পাৰস্পৰিক ভুল বুজাবুজি দূৰ কৰি শান্তি আৰু সম্প্ৰীতিৰ পৰিৱেশ গঢ়ি তোলাৰ বাবেও তেওঁ আহ্বান জনায়।
মল্লিকাৰ্জুন খাৰ্গে সামাজিক মাধ্যমত লিখিছে, ‘দীপাৱলী হৈছে আনন্দৰ ‘ঈদ’। কেইবাদিনো ধৰি চলি থকা এক উৎসৱমুখৰ ঈদ।’ ইয়াৰ পিছতে একাংশই তেওঁক বিতৰ্কলৈ টানি নিয়ে।
কিন্তু একাংশই দীপাৱলীক ‘আনন্দৰ ঈদ’ আখ্যা দিয়াৰ বাবে মল্লিকাৰ্জুন খাৰ্গে দেশবাসীৰ মাজত ভাতৃত্ববোধ, ঐক্য আৰু সম্প্ৰীতিৰ বাৰ্তা আগবঢ়াই বুলি কয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
