উপাৰ্জন কৰিলেও স্বামীৰ পৰা ভৰণপোষণ বিচাৰিব পাৰিব পত্নীয়েঃ বম্বে হাইকৰ্ট

পত্নীৰ বিৰুদ্ধে কি অভিযোগ আনিছিল স্বামীয়ে?

সেই দম্পতিয়ে ২০১২ চনৰ ২৮ নৱেম্বৰত বিবাহপাশত আৱদ্ধ হৈছিল৷ স্বামীৰ অভিযোগ, ২০১৫ চনৰ পৰা তেওঁৰ পত্নী আৰু নিজ পিতৃ মাতৃৰ সৈতে থাকিবলৈ আৰম্ভ কৰে৷ সেই বিষয়ক লৈয়েই তেওঁলোকৰ সম্পৰ্কৰ অৱনতি ঘটে৷ আনকি পত্নী ইচ্ছানুযায়ী এটা নতুন ফ্লেটো ক্ৰয় কৰিছিল ব্যক্তিগৰাকীয়ে৷ কিন্তু পত্নী তেওঁৰ কাষলৈ নাহিল৷ পৰিবৰ্তে তেওঁ এনে কিছু চৰ্ত আৰোপ কৰিছিল যি পূৰণ কৰাটো সেই ব্যক্তিৰ পক্ষে অসম্ভৱ আছিল৷

আদালতে কি প্ৰশ্ন কৰিছে দুই পক্ষৰ আইনজীৱীক?

স্বামীৰ পক্ষৰ আইনজীৱী শশীপাল শংকৰে জনাই যে পত্নী স্কুল শিক্ষিকা, মাহিলী ২১,৮২০ টকা আয় কৰে৷ টিউছন পঢ়াই অতিৰিক্ত বাৰ্ষিক ২০০,০০০ টকা আয় কৰে৷ ইয়াৰোপৰি তেওঁৰ আছে মোটা অংকৰ সঞ্চয়৷ সকলোমিলি তেওঁৰ আয় জীৱনযাপনৰ ক্ষেত্ৰত যথেষ্ট৷ অন্যহাতে আদালতে পত্নীৰ আইনজীৱী এছ এছ ডুবেই জনাই যে মহিলাগৰাকীৰ স্বামী এটা নামী কোম্পানীত কৰ্মৰত৷ তেওঁৰ দৰমহা কেইবালাখ টকা৷ ইয়াৰোপৰি আৰু কিছু আৰ্থিক সম্পদো আছে৷ তাৰপিছতো তেওঁ পত্নীক প্ৰাপ্যৰ পৰা বঞ্চিত কৰিছে৷

আদালতে দুই পক্ষৰ মত শুনাৰ পাছতেই জনায় যে, পত্নীৰ উপাৰ্জন আছে বুলিয়েই স্বামীৰ সাহায্যৰ পৰা বঞ্চিত হব বুলি ন্যায়ত কোনো কথা উল্লেখ নাই৷ ন্যায় অনুসৰি পত্নীয়ে স্বামীৰ পৰা ভৰণ পোষণ পাব লাগে৷ আদালতে লগতে সেই কথাও পৰ্যবেক্ষণ কৰিছে য’ত পত্নী আৰু তেওঁৰ উপাৰ্জনৰ যথেষ্ট ব্যৱধান আছে৷ পত্নীৰ ভৰণ পোষণৰ দায়িত্ব লোৱাৰ ক্ষেত্ৰত পলৰীয়া সিদ্ধান্ত স্বামীয়ে কোনো কাৰণতেই লব নোৱাৰিব৷ তাৰসলনি তেওঁৰ ভৰণ পোষণৰ সম্পূৰ্ণ দায়িত্ব স্বামীগৰাকীয়ে লব লাগিব৷