পাকিস্তানৰ বিৰুদ্ধে নেখেলে ভাৰতীয় খেলুৱৈয়ে, WCL ছেমি ফাইনেলৰ পৰা আঁতৰিল ভাৰত
ৱৰ্ল্ড চেম্পিয়নশ্বিপ অৱ লিজেণ্ডছ অৰ্থাৎ WCLৰ ছেমিফাইনেলত ভাৰত বনাম পাকিস্তানৰ খেল হোৱা কথা আছিল, কিন্তু এই খেল খেলিবলৈ অমান্তি ভাৰতীয় খেলুৱৈ। পাকিস্তানৰ বিৰুদ্ধে নেখেলে ভাৰতীয় খেলুৱৈয়ে।
জানিব পৰা মতে ভাৰতীয় খেলুৱৈসকলে এই মেচত খেলিবলৈ অস্বীকাৰ কৰিছে। ইয়াৰ লগে লগে এই প্ৰতিযোগিতাখনত ভাৰতীয় দলৰ যাত্ৰা ইমানতেই অন্ত পৰে। ইয়াৰ পূৰ্বেও লীগ পৰ্যায়ৰ মেচটো ভাৰতীয় দলে পাকিস্তানৰ সৈতে নেখেলে বুলি উল্লেখ কৰিছিল, যাৰ বাবে দুয়ো দেশৰ খেল অনুষ্ঠিত হোৱা নাছিল।
উল্লেখ্য যে, ৱৰ্ল্ড চেম্পিয়নশ্বিপ অৱ লিজেণ্ডছৰ ছেমি ফাইনেলত চাৰিটা দলে স্থান নিশ্চিত কৰিছিল। দক্ষিণ আফ্ৰিকা, অষ্ট্ৰেলিয়া, ভাৰত আৰু পাকিস্তান। প্ৰথমখন ছেমি ফাইনেল ৩১ জুলাইত ভাৰত আৰু পাকিস্তানৰ মাজত অনুষ্ঠিত হোৱা কথা আছিল। কিন্তু এতিয়া সেই মেচ বাতিল। দ্বিতীয়খন ছেমি ফাইনেল দক্ষিণ আফ্ৰিকা বনাম অষ্ট্ৰেলিয়া।
জানিব পৰা মতে ভাৰতীয় খেলুৱৈসকলে এই মেচত খেলিবলৈ অস্বীকাৰ কৰিছে। পিটিআইয়ে সূত্ৰৰ পৰা জানিব পাৰিছে যে ইণ্ডিয়ান চেম্পিয়নছ লীগক প্ৰতিনিধিত্ব কৰা খেলুৱৈসকলে বাৰ্মিংহামত অনুষ্ঠিত হোৱা ৱৰ্ল্ড চেম্পিয়নশ্বিপ অৱ লিজেণ্ডছৰ ছেমি ফাইনেলত পাকিস্তান চেম্পিয়নছ লীগৰ বিৰুদ্ধে খেলিবলৈ অস্বীকাৰ কৰিছে।
এই প্ৰতিযোগিতাৰ লীগ পৰ্যায়ত যেতিয়া ভাৰত আৰু পাকিস্তানে এখন মেচ খেলিব লাগিছিল, তেতিয়াও ভাৰতীয় খেলুৱৈসকলে সেই মেচ খেলিবলৈ অস্বীকাৰ কৰিছিল। যাৰ বাবে পিছত ভাৰত আৰু পাকিস্তানক এটাকৈ পইণ্ট ভগাই দিয়া হৈছিল।
কিন্তু এতিয়া যিহেতু এয়া ছেমি ফাইনেল, ভাৰতীয় দলে খেল খেলাৰ বাবে অমান্তি হৈছে, সেয়ে নিয়ম অনুসৰি ভাৰতীয় দল টুৰ্ণামেণ্টৰ পৰা বাহিৰ হ’ব। উল্লেখ্য যে, ভাৰতীয় দলত থকা শিখৰ ধাৱান, হৰভজন সিং, ইৰফান পাঠান, সুৰেশ ৰাইনা আৰু ইউছুফ পাথানে পাকিস্তানৰ লগত কোনো ধৰণৰ সম্পৰ্ক স্থাপন কৰিবলৈ সাজু নহয় লতে কোনো ধৰণৰ খেল খেলিবলৈ নিবিচাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
