উচ্চ ৰক্তচাপৰ সমস্যা এতিয়া ঘৰে ঘৰে৷ অস্বাস্থ্যকৰ জীৱনযাপন, অনিয়মিত খোৱাবোৱা, মানসিক উদ্বেগ, স্থূলতাৰ দৰে কেইবাটাও কাৰণত উচ্চ ৰক্তচাপৰ সমস্যাই দেখা দিয়ে৷ কেৱল উচ্চ ৰক্তচাপৰ সমস্যাই নহয়, অস্বাস্থ্যকৰ জীৱনযাপনৰ কাৰণে হৃদৰোগ, ষ্ট্ৰোক, কিডনিৰ সমস্যা আনকি ডিমেনচিয়াৰ দৰে ৰোগৰো আশংকা বাঢ়িব বুলি আশংকা চিকিৎসকৰ৷ এই ৰোগৰ পৰা হাত সৰাৰ বাবে সকলোতকৈ আগতে প্ৰয়োজন স্বাস্থ্যকৰ ডায়েটৰ৷
শৰীৰ সুস্থ ৰাখিবলৈ পুৱাৰ খাদ্য সীমিত আৰু স্বাস্থ্যকৰ হোৱা ভীষণ জৰুৰী৷ কিছু ভুলৰ বাবেই বাঢ়িব পাৰে আপোনাৰ ৰক্তচাপ৷ অফিচলৈ যোৱাৰ খৰধৰত বহুতেই পেকেটজাত খাদ্যৰ ওপৰত ভৰসা ৰাখে আৰু সেই অভ্যাসেই মাতি আনে নানান বিপদ৷ ইয়াৰোপৰি এনে কিছু খাদ্য আছে যি দেখাত স্বাস্থ্যকৰ হলেও মুঠেও স্বাস্থ্যকৰ নহয়৷ জানি থওক উচ্চ ৰক্তচাপৰ সমস্যা থাকিলে কি কি খাদ্য পুৱাৰ ভাগত খাব নালাগে৷
পাউৰুটি
হঠাৎ তৈয়াৰ কৰিবৰ বাবে বজাৰৰ পৰা বহুতেই এতিয়া ইনষ্টেণ্ট ৰেডি টু ইট খাদ্য আনে৷ নুডলছ, উপমা, চিৰা, ইডলিৰ ওপৰিও বজাৰত এতিয়া পৰঠাও উপলব্ধ৷ এইসমূহ খাদ্য দীৰ্ঘদিন ধৰি ভালে ৰখাৰ বাবে নিমখ আৰু ৰাসায়নিক সামগ্ৰী অত্যধিক মাত্ৰাত মিহলি কৰা থাকে৷ এই ধৰণৰ খাদ্যৰ স্বাদ বৃদ্ধি কৰিবলৈ মিহলি কৰা থাকে নানান ধৰণৰ মছলাও ব্যৱহাৰ কৰা হয় য’ত প্ৰচুৰ পৰিমাণে নিমখ থাকে৷ সেয়ে উচ্চ ৰক্তচাপৰ সমস্যা বা কলষ্টেৰল বৃদ্ধিত এইসমূহো দায়ী হব পাৰে৷
প্ৰক্ৰিয়াজাত মাংস
চিকেন চছেজ, বেকন নাগেটছ খাবলৈ ভালপায়? দৈনিক খাদ্যতালিকাত খুব বেছি মাত্ৰাত প্ৰক্ৰিয়াজাত মাংস ৰাখিলেও ৰক্তচাপ বঢ়াৰ আশংকা থাকে৷ এই মাংসসমূহ দীৰ্ঘ সময় ধৰি সংৰক্ষণৰ বাবে তাত প্ৰচুৰ পৰিমাণে ছডিয়াম মিহলোৱা হয়৷ সেয়ে ৰক্তচাপ নিয়ন্ত্ৰণত ৰাখিবলৈ এই ধৰণৰ প্ৰছেচড মাংস এৰাই চলাটোৱেই ভাল৷
পৰঠা
বহুতেই ছুটিৰ দিন বুলিলেই পুৱাই পৰঠাৰে ব্ৰেকফাষ্ট কৰে৷ আলুৰ পৰঠা, লাচ্ছা পৰঠা আৰু কত যে কি৷ এইসমূহ খাদ্যত প্ৰচুৰ পৰিমাণে ছাচুৰেটেড ফেট থাকে৷ দৈনিক ডায়েটত পৰঠা ৰাখিলে ৰক্তচাপ বৃদ্ধি, অবেচিটি আৰু হৃদৰোগৰ আশংকা বাঢ়ে৷ পৰঠা মাজে মাজে খালেও তেল অবিহনেই তাক তৈয়াৰ কৰাটো ভাল৷ এইক্ষেত্ৰত পাচলিৰ পৰঠা যেনে মেথি পৰঠা, পালেং পৰঠা আদি ভাল বিকল্প হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
