মডেল অভিনেত্ৰী পুনম পাণ্ডে আকৌ সংবাদ শিৰোনামত৷ মাজে মাজে একোটা ছাৰপ্ৰাইজ লৈ সংবাদ শিৰোনামলৈ আহে পুনম পাণ্ডে৷ ২০২৪ চনত পুনম পাণ্ডে নিজৰ মৃত্যুৰ খবৰক লৈ চৰ্চিত হৈছিল৷ আৰু হঠাতেই পুনমে কয় তেওঁ অনুৰাগীক ছাৰপ্ৰাইজে দিছিল৷ মঙ্গলবাৰে সকলোকে চমক দি নিজৰ বেবিবাম্পৰ ছবি শ্বেয়াৰ কৰিছে পুনমে৷ সঁচাকৈয়ে অভিনেত্ৰী পুনম পাণ্ডে প্ৰেগনেট নেকি?
পুনমে তেওঁৰ ইনষ্টাগ্ৰামত এই ছবি পোষ্ট কৰিছে৷ তাতেই দেখা গৈছে মেকআপ নথকা এখন মুখ, আউল বাউল চুলিৰে বেবীবাম্পৰ ফটো শ্বেয়াৰ কৰিছে পুনমে৷ বগা ৰঙৰ টি চাৰ্ট ওপৰলৈ উঠাই বেবীবাম্প দেখুৱাইছে পুনমে৷ সঁচাকৈয়ে পুনম অন্তঃসত্ত্বা নেকি?
ছবিত পুনমৰ মুখৰ হাঁহি দেখি ধাৰণা হৈছে তেওঁ খুবেই সুখী৷ ছবিৰ তলত কিছু ইমোজিও দিছে পুনমে৷ আছে গাখীৰৰ বতল, শিশুৰ ছবিও৷ পুনমৰ ডিভোৰ্ছ হৈছে বহুদিন পূৰ্বেই৷ ২০২০ চনত মডেল ছেম বম্বেৰ সৈতে বিবাহ হৈছিল পুনমৰ৷ বিবাহৰ মাত্ৰ কেইবামাহৰ ভিতৰতেই স্বামীৰ বিৰুদ্ধে ধৰ্ষণৰ অভিযোগ তুলি স্বামীক কাৰাবাসলৈকো পঠিয়াই পুনমে৷ তাৰপিছতেই দুয়োৰে ডিভোৰ্ছ হয়৷ পুনমৰ প্ৰেগনেন্সিৰ ছবি দেখি এতিয়া বহুতৰে মনত প্ৰশ্ন, পুনমৰ আকৌ স্বামীৰ সৈতে মিটমাট হ’ল নেকি? নে অন্য কোনো সংগী পালে পুনমে? বহুতেই এই ছবি দেখি কৈছে, এয়াও পুনমৰ প্ৰচাৰৰেই কৌশল৷
কিন্তু মজাৰ বিষয় এয়াই যে পুনমে যেতিয়া তেওঁৰ এই প্ৰেগনেন্সিৰ ছবি এক্স হেণ্ডেলত শ্বেয়াৰ কৰিছে তেতিয়া তাৰ তলৰ বিশেষ লাইনটো হয়তো তেওঁ কাটিবলৈ পাহৰিলে৷ কাৰণ ছবিখনৰ তলতেই এ আইয়ে ছবিখন তৈয়াৰী সেই লাইন দৃশ্যমান হৈয়েই আছে৷ এই ঘটনাত তীব্ৰ সমালোচনাৰ মুখত পৰিছে পুনম৷ AI ৰে তৈয়াৰ কৰা ছবি শ্বেয়াৰ কৰি কাক ঠগিব খুজিছে পুনমে, দৰ্শকক মুৰ্খ ভাৱিছে নেকি সেই প্ৰশ্নও তুলিছে বহুজনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
