ৰিলায়েন্স জিঅ’ই তেওঁলোকৰ প্ৰিপেইড ইউজাৰসকলৰ বাবে ৩৩৯ টকাৰ এটা নতুন প্লেন আৰম্ভ কৰিছে৷ এই প্লেন ৩৪৯ টকাৰ প্লেনৰ তুলনাত কিছুপৰিমাণে সস্তা৷ এই প্লেন মূলত তেওঁলোকৰ বাবে তৈয়াৰী যিয়ে প্ৰতিমাহে বেছি ধন ৰিচাৰ্জৰ বাবে খৰচ কৰিব নোৱাৰে কিন্তু প্ৰয়োজনীয় সুবিধাও বিচাৰে৷
এই প্লেনত ইউজাৰসকলে সকলো নেটৱৰ্কতে আনলিমিটেড ভয়েছ কলিং পাব৷ ইয়াৰ সৈতে প্ৰতিদিনে ১০০ টা SMSৰ সুবিধাও পাব৷ ডাটাৰ ক্ষেত্ৰতো প্ৰতিদিনে ১.৫ জিবি ডাটা পোৱা যাব৷ দৈনিক লিমিট শেষ গৈ গলে স্পিড কমি ৬৮kbps হৈ যাব, এয়া অৱশ্যে বেছিভাগ প্ৰিপেইড প্লেনতেই আছে৷
এই প্লেনৰ সকলোতকৈ ডাঙৰ বিশেষত্ব হৈছে ইয়াৰ ভেলিডিটি৷ সাধাৰণতে বেছিভাগ প্লেন ২৮ দিনৰ হয়৷ কিন্তু এই প্লেনটো কেলেণ্ডাৰ মাহৰ ভেলিডিটিৰ সৈতে পোৱা যায়৷ অৰ্থাৎ আপুনি যদি ১০ তাৰিখে ৰিচাৰ্জ কৰে তেন্তে এই প্লেন পিছৰ মাহৰ ১০ তাৰিখ পৰ্যন্ত চলিব৷ এই ফিচাৰ বহু ইউজাৰৰ বাবেই খুবেই সুবিধাজনক হব বুলি আশা কৰা হৈছে৷
এই সুবিধাসমূহৰ ওপৰিও এই প্লেনৰ আছে কিছু অতিৰিক্ত বেনিফিটো৷ ইউজাৰে JioTV আৰু JioAICloudৰ এক্সেছ পাব৷ ইয়াৰোপৰি Google Gemini Pro ৰ ছাবস্ক্ৰিপছনো দিয়া হৈছে য’ত ক্লাউড ষ্টোৰেজ আৰু AI ফিচাৰো অন্তৰ্ভুক্ত আছে৷
অৱশ্যে ইয়াত এটা সৰু চৰ্তও আছে৷ Gemini Pro ৰ সুবিধা চলাই যাবলৈ হলে আপুনি ২৯৯ টকা বা তাতকৈ বেছি দামৰ আৰু কমেও ১.৫ GB/per day ডাটাসহ প্লেন সক্ৰিয় থাকিব লাগিব৷ আপুনি যদি ইয়াতকৈ সস্তাৰ প্লেন চলাই যায় তেতিয়া এই সুবিধা বন্ধ কৰি দিব পাৰে৷
যদি ৩৪৯ টকাৰ প্লেনৰ সৈতে তুলনা কৰা হয় তেন্তে তাত প্ৰতিদিনে ২ জিবি ডাটা পোৱা যায় য’ত এই প্লেন ১.৫ জিবিৰ৷ সেয়ে আপুনি বেছি ডাটা ব্যৱহাৰ কৰিবলৈ হ’লে ৩৪৯টকাৰ প্লেনেই আপোনাৰ বাবে উত্তম৷ আৰু ৩৩৯ টকাৰ এই প্লেন তেওঁলোকৰ বাবে উপযুক্ত যিয়ে কিছু পৰিমাণে ধন প্ৰতিমাহে সঞ্চয় কৰিব খোজে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
