গৰম পৰিলেই ফ্ৰিজৰ ওপৰত চাপ বাঢ়ি যায়৷ বাহিৰৰ তাপমাত্ৰা যিমানেই বাঢ়ে ভিতৰখন ঠাণ্ডা ৰাখিবলৈ ফ্ৰিজৰ মটৰ বা কম্প্ৰেছৰে সিমানেই বেছি কাম কৰিব লগা হয়৷ ফলত দ্ৰুত গৰম হৈ উঠে ফ্ৰিজ৷ ইয়াৰ সৈতে গ্ৰীষ্মকালত বিদ্যুতৰ ব্যৱহাৰ বাঢ়ি যোৱাৰ ফলত ভল্টেজৰ ওঠানমাও বেছি হয়৷
এই বৈদ্যুতিক উঠানমাই ফ্ৰিজৰ আভ্যন্তৰীণ যন্ত্ৰাংশ ক্ষতিগ্ৰস্থ কৰিব পাৰে৷ আনকি চৰ্ত চাৰ্কিটৰো কাৰণ হব পাৰে৷ অতিৰিক্ত চাপে ফ্ৰিজত জুই লগা বা বিস্ফোৰণৰ আশংকা বঢ়াই তোলে৷ ফ্ৰিজ ক’ত থৈছে সেই বিষয়টোও খুবেই গুৰুত্বপূৰ্ণ৷ ৰ’দ পৰা স্থানত বা ৰন্ধনঘৰৰ গেছ অভেনৰ কাষত ফ্ৰিজ ৰখা উচিত নহয়৷ ইয়াৰ ফলত ফ্ৰিজ দ্ৰুত গৰম হৈ পৰে আৰু বিস্ফোৰণৰ আশংকা বাঢ়ে৷
ফ্ৰিজৰ পিছৰ দেৱালৰ সৈতে অন্তত ৬ ইঞ্চি খালী ঠাই ৰখাটো প্ৰয়োজন৷ ইয়াৰ ফলত গৰম বতাহ সহজে বাহিৰ হ’ব পাৰে৷ ইয়াৰোপৰি যি ঘৰত ফ্ৰিজ ৰখা হৈছে তাত পৰ্যাপ্ত বায়ু চলাচল হৈ থকা জৰুৰী৷ বতাহ চলাচল নহলে ফ্ৰিজ অতিৰিক্ত গৰম হৈ বিস্ফোৰণৰ আশংকা তৈয়াৰ কৰিব পাৰে৷
নিয়মিত ফ্ৰিজৰ পাছৰ কয়েল পৰিষ্কাৰ কৰাটো প্ৰয়োজন৷ তাত ধুলি জমা হলে তাপ বাহিৰ হোৱাত বাধা পায়৷ একেদৰে দুৱাৰৰ ৰাবাৰ চিল ঠিকে আছেনে সেয়া নজৰত ৰখাটোও প্ৰয়োজন৷ দুৱাৰ ঠিকমতে বন্ধ নহলে ভিতৰৰ ঠাণ্ডা বতাহ বাহিৰ হৈ যায় ফলত কম্প্ৰেচৰৰ ওপৰত অতিৰিক্ত চাপ পৰে৷
ভল্টেজ ওঠানমা থাকিলে সেই সময়ত ভাল কোৱালিটিৰ ষ্টেবিলাইজাৰ বা চাৰ্জ প্ৰটেক্টৰ ব্যৱহাৰ কৰা উচিত৷ ইয়াৰোপৰি কোনো বৈদ্যুতিক যন্ত্ৰকেই পাতলভাৱে নল’ব৷ ফ্ৰিজৰ পৰা অস্বাভাৱিক শব্দ আহিলে বা অতিৰিক্ত গৰম হলে লগে লগেই বিশেষজ্ঞক মাতি মেৰামতি কৰাওক৷
গ্ৰীষ্মকালত ফ্ৰিজত অতিৰিক্ত সামগ্ৰী জমাই ৰখাও বিপজ্জনক৷ ইয়াৰ ফলত ভিতৰৰ বতাহ চলাচল বাধাগ্ৰস্থ হয় আৰু যন্ত্ৰৰ ওপৰত চাপ বাঢ়ে৷ সকলো মিলি সঠিক ৰক্ষণাবেক্ষণ আৰু সচেতনতা বজায় ৰাখিলেই এই ধৰণৰ দুৰ্ঘটনা এৰাই চলা সম্ভৱ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
