প্ৰস্ৰাৱে স্বাস্থ্যৰ লগত জড়িত বহু গোপন কথা উদঙাই দিয়ে। মহিলাৰ মূত্ৰনলী (urethra) পুৰুষতকৈ সৰু। সেই কাৰণেই মলত উপস্থিত থকা বেক্টেৰিয়া বিশেষকৈ E. coli, মূত্ৰাশয়লৈ প্ৰৱেশ কৰে আৰু সংক্ৰমণ হয়। মহিলাৰ পৰিষ্কাৰ-পৰিচ্ছন্নতাৰ অভ্যাসেও এই সংক্ৰমণৰ সৃষ্টি কৰে। যেনে শৌচাগাৰ ব্যৱহাৰ কৰাৰ পিছত ভুলকৈ চাফা কৰা, লেতেৰা বা তিতা আণ্ডাৰগাৰ্মেণ্ট পিন্ধা বা প্ৰস্ৰাৱ বহু সময় ধৰি ৰখা। মাহেকীয়াৰ সময়ত পৰিষ্কাৰ-পৰিচ্ছন্নতাৰ প্ৰতি গুৰুত্ব নিদিয়া আৰু সঘনাই ৰাজহুৱা শৌচাগাৰ ব্যৱহাৰ কৰিলেও প্ৰস্ৰাৱৰ সংক্ৰমণৰ সম্ভাৱনা বৃদ্ধি পাব পাৰে।
এয়া UTI ৰ লক্ষণ হ’ব পাৰে। মহিলাৰ ক্ষেত্ৰত ইউটিআইৰ লক্ষণসমূহ মৃদু যেন লাগিব পাৰে, কিন্তু ইয়াক সহজভাৱে লোৱাটো বিপদজনক হ’ব। সময়মতে চিনাক্ত কৰি চিকিৎসা কৰিলে এই সংক্ৰমণ সহজে আৰোগ্য লাভ কৰিব পৰা যায়। পৰিষ্কাৰ-পৰিচ্ছন্নতা, পৰ্যাপ্ত পৰিমাণৰ পানী খোৱা আৰু শৌচাগাৰৰ পৰিষ্কাৰ-পৰিচ্ছন্নতাৰ যত্ন লোৱাটোৱেই হৈছে ইউটিআই প্ৰতিৰোধৰ আটাইতকৈ ফলপ্ৰসূ উপায়।
ইয়াৰোপৰি, বিশেষজ্ঞসকলৰ মতে, যদি প্ৰস্ৰাৱৰ ৰং প্ৰচুৰ পৰিমাণে পানী খোৱাৰ পিছতো দীৰ্ঘদিন ধৰি গাঢ় হালধীয়া হৈ থাকে তেন্তে সেয়া জণ্ডিচৰ লক্ষণ হ’ব পাৰে। বৃক্ক বা যকৃতৰ যিকোনো সমস্যাৰ বাবে প্ৰস্ৰাৱৰ ৰং হালধীয়া হ’ব পাৰে। এনে লোকে তৎক্ষণাত চিকিৎসকৰ পৰামৰ্শ লৈ পৰীক্ষা কৰাব লাগে। প্ৰস্ৰাৱৰ লগত জড়িত অন্যান্য সমস্যাৰ বাবে প্ৰস্ৰাৱৰ ৰং সলনি হ’ব পাৰে। ইয়াৰ সঠিক কাৰণসমূহ পৰীক্ষাৰ অন্ততহে গম পোৱা যাব। যদি সঘনাই আপোনাৰ প্ৰস্ৰাৱ ৰঙা হয় আৰু গোন্ধ ওলাই, তেন্তে ই বৃক্কৰ পাথৰ, মূত্ৰনলীৰ পাথৰ আৰু মূত্ৰাশয়ৰ কৰ্কট ৰোগৰ লক্ষণ হ’ব পাৰে। এনে হ’লে একেবাৰে অসাৱধান হ’ব নালাগে। শীঘ্ৰে বিশেষজ্ঞৰ পৰামৰ্শ ল’ব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
