বিহাৰৰ মুখ্যমন্ত্ৰীৰ দায়িত্বভাৰ এইবাৰ বিজেপিৰ সম্ৰাট চৌধুৰীৰ কান্ধত৷ একাধিকবাৰ দলবদল কৰা এই নেতাৰ শিক্ষাগত যোগ্যতা কিমান? তেওঁৰ সম্পত্তিৰ পৰিমাণেই বা কিমান? ২০২৫ চনত বিধানসভা নিৰ্বাচনৰ সময়ত কমিছনৰ ওচৰত দিয়া হলফনামা অনুসৰি সম্ৰাট চৌধুৰীৰ মুঠ সম্পদৰ পৰিমাণ ১১.৩১ কোটি টকা৷ আছে গাওঁ আৰু চহৰত একাধিক স্থাবৰ আৰু অস্থাবৰ সম্পত্তিও৷ হলফনামা অনুসৰি তাৰাপুৰৰ এই বিধায়কৰ পত্নীৰ কাষত নগদ ধন আছে ১,৭১,৫৫০ টকা৷
মুঠ সম্পদৰ পৰিমাণ
সম্ৰাট চৌধুৰীৰ নিৰ্বাচনী হলফনামাৰ পৰা জনা যায় যে নিজৰ সম্পদৰ মূল্য ৯.২৯ কোটি টকা৷ অন্যহাতে তেওঁৰ পত্নী মমতা কুমাৰীৰ সম্পদৰ পৰিমাণ ২.১ কোটি টকা৷ সকলো মিলি তেওঁলোক দুয়োৰে স্থাৱৰ আৰু অস্থাবৰ সম্পদ মুঠ মূল্য ১১,৩১,০৪,৪২৮টকা৷
এই দম্পতিৰ বিভিন্ন বেংকত মুঠ ২৭লাখ টকা জমা আছে৷ আৰু তেওঁলোকৰ দুয়োৱে প্ৰত্যেকৰে হাতত আছে ২০লাখ টকাৰ সোণ৷ ইয়াৰোপৰি তেওঁলোকৰ হাতত আছে ৭৫০০০ টকা মূল্যৰ ৰূপ আৰু শ্বেয়াৰ বণ্ড৷ মিউচুৱেল ফাণ্ডত আছে ৩২ লাখ টকাৰ বিনিয়োগ৷ ইকুইটি ফাণ্ডত ৪.১৮লাখ টকা আৰু এইছ ডি এফ চি মিডকেপ ফাণ্ডত ৫.২৩ লাখ টকা বিনিয়োগ কৰিছে৷
স্থাৱৰ সম্পতি
গাওঁ আৰু চহৰ উভয় এলেকাত তেওঁৰ ভাল পৰিমাণৰ মাটি আছে৷ ইয়াৰ মাজতে মুঙ্গৰ জিলাৰ লাখানপুৰ আৰু পাটনাৰ বিভিন্ন অংশ অন্তৰ্ভুক্ত৷ মমতা কুমাৰীয়ৰো কোটি টকা মূল্যৰ কৃষিভূমি আৰু আবাসিক সম্পত্তি আছে৷ তেওঁৰ স্থাবৰ সম্পত্তিৰ মূল্য প্ৰায় ৯.৩০ কোটি টকা৷
ইয়াৰোপৰি নিপ্পন ইণ্ডিয়া ৰিটায়াৰমেণ্ট ফাণ্ডত ২২.৪২ লাখ টকা আৰু পোষ্টেল ছেভিংছ ফাণ্ডত যথাক্ৰমে ৮.৭ লাখ, ১০.২৮ লাখ আৰু ১.৫০ লাখ টকা বিনিয়োগ কৰিছে৷ মমতা কুমাৰীৰো একেই বিনিয়োগ আছে৷
শিক্ষাগত যোগ্যতা
সম্ৰাট চৌধুৰীয়ে পিএফচি কামৰাজ বিশ্ববিদ্যালয়ৰ পৰা ডক্টৰ অফ লিট ডিগ্ৰীধাৰী৷ বিগত বছৰৰ নিৰ্বাচনৰ পূৰ্বে জন সুৰাজৰ প্ৰধান প্ৰশান্ত কিশোৰে সম্ৰাট চৌধুৰী দশম শ্ৰেণীৰ পৰীক্ষাতো উত্তীৰ্ণ নহয় বুলি এক দাবী কৰিছিল৷ তেতিয়াই সম্ৰাট চৌধুৰীয়ে দাবী কৰিছিল যে তেওঁ প্ৰি ফৰমেছন কোৰ্ছ কৰিছে যি মূলত তামিল ভাষাৰ সৈতে সম্পৰ্কিত এক পাঠ্যক্ৰম৷
সম্ৰাট চৌধুৰীয়ে নিজকে এজন কৃষক হিচাপেও পৰিচয় দিয়ে৷ তেওঁৰ পত্নী মমতা কুমাৰী পেছাত এগৰাকী আইনজীৱী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
