ভাৰতত এনে বহু প্ৰাচীন মন্দিৰ আছে যিসমূহৰ ৰহস্যই আমাক আচৰিত কৰি তোলে৷ এনে এক অবাক কৰা মন্দিৰ হৈছে অন্ধ্ৰপ্ৰদেশৰ শ্ৰী ছাইলামত অৱস্থিত ভ্ৰমাৰম্বা মল্লিকাৰ্জুন স্বামী মন্দিৰ৷ মহাদেৱৰ দ্বাদশ জ্যোতিৰ্লিঙ্গৰ অন্যতম এই মন্দিৰতেই লুকাই আছে বহু ৰহস্য৷
অন্ধ্ৰপ্ৰদেশৰ কৃষ্ণা নদীৰ ধাৰত নাল্লামালা পাহাৰৰ ওপৰত অৱস্থিত এই মন্দিৰত জ্যোতিৰ্লিংগ আৰু শক্তিপীঠৰ সহাৱস্থান ঘটিছে৷ অৰ্থাৎ মহাদেৱে ইয়াত স্বয়ম্ভূ৷ আকৌ সতীৰ অংগও ইয়াত পৰিছিল বুলি ধাৰণা কৰা হয়৷ এই মন্দিৰত মহাদেৱে মল্লিকাৰ্জুৱ ৰূপেৰে পূজিত হয় আৰু দেৱী শক্তি পূজিত হয় ভ্ৰমাৰম্বা ৰূপে৷ পুৰুষ আৰু প্ৰকৃতি শক্তিৰ অদ্ভূত মেলবন্ধন এই স্থানতেই ঘটিছে৷
মল্লিকাৰ্জুন জ্যোতিৰ্লিংগৰ ৰহস্য
শ্ৰীছাইলামত অৱস্থিত জ্যোতিৰ্লিঙ্গৰ ৰং দিনটোৰ ভিতৰতেই বাৰে বাৰে সলনি হয়৷ পুৱাই এই শিৱলিংগৰ ৰং থাকে বগা, দুপৰীয়া ইয়াৰ ৰং হয় হালধীয়া আৰু বিয়লি মটিয়া বৰণীয়া হৈ পৰে৷ কিংবদন্তী অনুসৰি মহাভাৰতৰ সময়ত পাণ্ডৱে পাঁচটা গোপন শিৱলিংগ প্ৰতিষ্ঠা কৰিছিল৷ তাৰেই এটা এই শিৱলিংগ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
