ভাৰতৰ পৰা বজাৰ কৰিবলৈ নেপাললৈ যোৱা লোকসকলৰ বাবে আৰু সীমান্ত অঞ্চলৰ বাসিন্দাসকলৰ বাবে গুৰুত্বপূৰ্ণ খবৰ। ভাৰতৰ পৰা অহা সামগ্ৰীৰ ক্ষেত্ৰত নেপাল চৰকাৰে শুল্ক দিয়াৰ নিয়ম অতি কঠোৰ কৰি তুলিছে। বৰ্তমান যদি আপুনি ভাৰতৰ পৰা ১০০ নেপালী টকা (প্ৰায় ৬৩ ভাৰতীয় টকা)তকৈ অধিক মূল্যৰ সামগ্ৰী লৈ নেপাল সীমান্তত প্ৰৱেশ কৰে তেন্তে তাৰ ওপৰত কৰ দিব লাগিব। নেপালৰ বীৰগঞ্জ চহৰত এই সিদ্ধান্তৰ বিৰুদ্ধে ব্যাপক প্ৰতিবাদো আৰম্ভ হৈছে। ভাৰত সীমান্তৰ সীমান্তৱৰ্তী বীৰগঞ্জৰ লগতে ইয়াৰ আশে-পাশে থকা অঞ্চলতো এই নতুন নিয়মক লৈ আৰম্ভ হৈছে প্ৰতিবাদ৷
প্ৰতিবাদকাৰীসকলে কয় যে ১০০ টকীয়া সীমা ইমানেই কম যে এক কিলোগ্ৰাম চেনি বা মৌলিক ৰেচন সামগ্ৰী আনিলেও তেওঁলোকে কৰ দিব লাগিব। স্থানীয় লোকে ইয়াক ‘অঘোষিত অৱৰোধ’ বুলি অভিহিত কৰিছে৷ কিয়নো ইয়াৰ ফলত তেওঁলোকৰ দৈনন্দিন জীৱন আৰু শতিকাজুৰি চলি অহা সীমান্ত বাণিজ্যত গুৰুতৰ প্ৰভাৱ পৰিছে।
কিয় এই সিদ্ধান্ত লোৱা হ’ল?
নেপাল চৰকাৰৰ পৰা জনোনা অনুসৰি এয়া নতুন আইন নহয়, বৰঞ্চ পুৰণি নিয়মৰ কঠোৰ বলবৎ। চৰকাৰে যুক্তি দিছে যে কৰ নিদিয়াকৈ নেপাললৈ বৃহৎ পৰিমাণৰ সামগ্ৰী কঢ়িয়াই নিয়াৰ ফলত আৰ্থিক লোকচান হৈছিল। সীমান্তৰ সিপাৰে চোৰাং ব্যৱসায় আৰু অনানুষ্ঠানিক বাণিজ্যৰোধৰ বাবে “শূন্য সহনশীল” নীতি গ্ৰহণ কৰা হৈছে।
দৈনন্দিন প্ৰয়োজনীয়তাৰ ওপৰত সংকট
নেপাল-ভাৰত সীমান্তত বসবাস কৰা লোকসকলে প্ৰায়ে আত্মীয়তা আৰু সস্তীয়া সামগ্ৰীৰ বাবে ভাৰতীয় বজাৰৰ ওপৰত নিৰ্ভৰ কৰে। প্ৰতিবাদকাৰীসকলে সংবাদ সংস্থা এএনআইক জনাইছে যে তেওঁলোকে জন্মৰ ভাৰতৰ পৰা আমদানি কৰি আহিছে৷ নিত্য প্ৰয়োজনীয় সামগ্ৰীৰ পৰা আৰম্ভ কৰি খেতিৰ বাবে ব্যৱহাৰ কৰা সাৰো আমদানি কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
