কৰ্কটত আক্ৰান্ত নেতানিয়াহু, প্ৰষ্টেট কেন্সাৰ নেকি নেতানিয়াহুৰ? বৰ্তমান অৱস্থা কেনেকুৱা?

কেতিয়া নেতানিয়াহুৰ কেন্সাৰ ধৰা পৰিছে সেয়া জানিব পৰা হোৱা নাই যদিও তেওঁ নিজৰ তৰফৰ পৰা জনোৱা অনুসৰি দুই মাহ এই মেডিকেল ৰিপৰ্ট তেওঁ প্ৰকাশ্যে আহিবলৈ দিয়া নাছিল৷ ইৰানে ইজৰায়েলৰ বিৰুদ্ধে যাতে মিছা প্ৰচাপ চলাব নোৱাৰে তাৰ বাবেই এই সিদ্ধান্ত লৈছিল বুলিও জনাইছে৷

উল্লেখ কৰা প্ৰয়োজন যে ইজৰায়েলৰ সকলোতকৈ দীৰ্ঘম্যাদৰ প্ৰধানমন্ত্ৰী নেতানিয়াহু৷ বিগত মাৰ্চ মাহত ইৰান, ইজৰায়েল, আমেৰিকাৰ সংঘাত আৰম্ভ হোৱাৰ সময়তেই ইৰানৰ সংবাদমাধ্যমৰ পৰা আৰম্ভ কৰি ছচিয়েল মিডিয়াত প্ৰচাৰ হৈছিল যে নেতানিয়াহুৰ মৃত্যু হৈছে৷ ইয়াৰ পাছতেই নেতানিয়াহুৱে জেৰুজালেম কেফেত নিজৰ ভিডিঅ’ দি প্ৰমাণ দিয়ে যে তেওঁৰ মৃত্যু হোৱা নাই৷ তেওঁ জীয়াই আছে৷

ইয়াৰ পূৰ্বে ২০২৩চনত পেছমেকাৰ বহোৱা হৈছিল নেতানিয়াহুক৷ আগন্তুক অক্টোবৰ মাহত ইজৰায়েলৰ নিৰ্বাচন৷ ঠিক ইয়াৰ পূৰ্বে নেতানিয়াহুৰ কেন্সাৰৰ খবৰ পোৱা গৈছে৷ নিৰ্বাচনৰ পূৰ্বে এই সমস্যাই বিশেষ প্ৰভাৱ পেলাব বুলি ধাৰণা কৰিছে বিশেষজ্ঞই৷