কোৱা হয় যে ইতিহাস সদায় চিয়াঁহীৰে লিখা নহয়, কেতিয়াবা চকুলোৰেও লিখা হয় ইতিহাস৷ এইবাৰ বংগৰ ৰাজনৈতিক ইতিহাসত লিপিবদ্ধ হৈছে তেনে এক ইতিহাস৷ এয়া কেৱল ক্ষমতাৰ পৰিবৰ্তনেই নহয়, এক ব্যৱস্থাক দমন কৰিবলৈ অপ্ৰাণ চেষ্টা কৰা এক অপশক্তিৰ বিদায়৷ কোৱা হয় যেতিয়া ক্ষমতাৰ অহংকাৰে শিখৰত উপনীয় হয় তেতিয়াই নিয়তিয়ে নিজেই ন্যায় প্ৰদান কৰে৷ পশ্চিম বংগৰ নিৰ্বাচনী ফলাফলে সেয়াই এইবাৰ নিশ্চিত কৰিলে৷ বাস্তৱত এই নিৰ্বাচন কেৱল কোনো দল বা মতাদৰ্শৰ জয় নহয়, এই জয় বংগৰ নিৰ্যাতিতা কন্যাৰ জয়, এই জয় বংগৰ ধৰ্ষিতাৰ হয়, এই জয় বংগত এটকা দুটকাৰ বাবে হামৰাও কঢ়া একোগৰাকী মাতৃৰ জয়৷
বংগৰ নিৰ্বাচনত ৰত্ন দেৱনাথ, ৰেখা পাত্ৰ আৰু কলিতা মাঞ্জীক লৈ কিয় ইমান চৰ্চা?
এই নিৰ্বাচনত জয়লাভ কৰি দেশৰ ভিতৰত চৰ্চিত নাম হৈ পৰিছে ৰত্না দেৱনাথ, ৰেখা পাত্ৰ আৰু কলিতা মাঞ্জী৷ বিশিষ্ট ৰাজনৈতিক নেতাসকলেও এই চৰ্চা লাভ কৰিবলৈ সক্ষম হোৱা নাই৷ ৰাজনৈতিক বিশ্লেষকসকলে কৈছে এইকেইগৰাকী মহিলাই নিজৰ সন্মান আৰু আপোনজনৰ কেঁচা তেজৰ প্ৰতিশোধ ভালকৈয়ে ল’লে৷ এই নিৰ্বাচনৰ ফলাফলে দেশলৈ এটা বাৰ্তা প্ৰেৰণ কৰিলে যে ভাৰতীয় গণতন্ত্ৰৰ শিঁপা এতিয়াও গভীৰ৷ ইয়াত কোনো ৰজাই সৰ্বোচ্চ ৰাজত্ব নকৰে৷ কিন্তু জনতাৰ আদালতেই প্ৰধান কথা৷ অসহ্য যন্ত্ৰণা সহ্য কৰিও তিনিগৰাকী সাহসী মহিলাই এইবাৰ মমতা বেনাৰ্জীক উচিত জৱাব দিছে৷ তিনিগৰাকী সাহসী মহিলাই বিধায়ক হৈ সদনত ন্যায়ৰ বাবে যুঁজ দিবলৈ সাজু হৈছে৷ কেনেকৈ কি ঘটিছে এই তিনি মহিলাৰ জীৱনত?
ৰত্না দেৱনাথ
আৰ জি কৰ হাস্পতাল কাণ্ডৰ মাতৃ ৰত্না দেৱনাথ এই নিৰ্বাচনৰ আটাইতকৈ চৰ্চিত প্ৰাৰ্থী আছিল৷ পানীহাটী আসনৰ পৰা টিএমচিৰ শক্তিশালী প্ৰাৰ্থীগৰাকীক ২৮ হাজাৰৰো অধিক ভোটত পৰাস্ত কৰে৷ সংবাদমাধ্যমৰ খবৰ অনুসৰি আৰ জি কৰ কাণ্ডত টিএমচিৰ মন্ত্ৰী আৰু আৰক্ষী বিষয়াই দোষীক সুৰক্ষা দিবলৈ চেষ্টা চলাইছিল৷ তেতিয়াই ৰত্না ৰাজপথলৈ ওলাই অহাৰ সিদ্ধান্ত লয়৷ এগৰাকী কন্যাৰ ন্যায়ক দমন কৰিবলৈ চেষ্টা কৰা ব্যৱস্থাটোৰ প্ৰতি তেওঁৰ এই জয় এক মোক্ষম আঘাত৷ জনসাধাৰণে উচিত জৱাব দি বিদায় দিলে মমতা বেনাৰ্জীক৷
কলিতা মাঞ্জী
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
