পশ্চিম বংগৰ ক্ষমতাৰ দুৱাৰ বন্ধ, তথাপিও নিজকে বংগৰ মুখ্যমন্ত্ৰী বুলি গৰ্জন মমতা বেনাৰ্জীৰ! তৃণমূল কংগ্ৰেছৰ মমতা বেনাৰ্জীয়ে এতিয়াও নিজৰ অফিচিয়েল ছ’চিয়েল মিডিয়া হেণ্ডেলত “পশ্চিম বংগৰ মুখ্যমন্ত্ৰী” হিচাপে লিখি ৰাখিছে। অৱশ্যে ৰাজ্যপাল আৰ.এন. ৰবিয়ে ৰাজ্য বিধানসভা ভংগ কৰিছে, অৰ্থাৎ তেওঁৰ নেতৃত্বত থকা পূৰ্বৰ ৰাজ্যিক মন্ত্ৰীসভাখন স্বয়ংক্ৰিয়ভাৱে ভংগ হৈছে। যোৱা ৭ মে’ বৃহস্পতিবাৰে সন্ধিয়া ৰাজ্যপালে এই ঘোষণা কৰাৰ পিছতে সুবেন্দু অধিকাৰীক বিজেপি বিধায়িনী দলৰ নেতা হিচাপে নিৰ্বাচিত কৰা হৈছে। তেওঁ ৰাজ্যপালক সাক্ষাৎ কৰি চৰকাৰ গঠনৰ দাবী দাখিল কৰিছে আৰু শনিবাৰে পুৱা ১১ বজাত মুখ্যমন্ত্ৰী হিচাপে শপত গ্ৰহণ কৰিব।
কিন্তু প্ৰাক্তন মুখ্যমন্ত্ৰী মমতা বেনাৰ্জীয়ে তেওঁৰ অফিচিয়েল ছ’চিয়েল মিডিয়া হেণ্ডেল (এক্স আৰু ফেচবুক দুয়োটা)ত পশ্চিম বংগৰ মুখ্যমন্ত্ৰী হিচাপে লিখিয়েই থৈছে।
এক্স বা ফেচবুকত বায়’ সলনি কৰা নাই
তেওঁৰ ইনষ্টাগ্ৰাম আৰু ফেচবুক দুয়োটা হেণ্ডেলৰ About শিতানত ক্লিক কৰিলেই তেওঁৰ পৰিচয় দেখা যায় অল ইণ্ডিয়া তৃণমূল কংগ্ৰেছৰ অধ্যক্ষ, মাননীয় মুখ্যমন্ত্ৰী, পশ্চিম বংগৰ।
ছ’চিয়েল মিডিয়া হেণ্ডেলত তেওঁৰ পৰিচয় সন্দৰ্ভত কৰা দাবীৰ সৈতে ৫ মে’ত পশ্চিম বংগ বিধানসভা নিৰ্বাচন, ২০২৬ ৰ ফলাফলৰ পিছদিনা সংবাদমেলত তেওঁ কোৱা কথাখিনিৰ মিল আছে, যিয়ে ভাৰতীয় জনতা পাৰ্টিৰ ভূমিস্খলন বিজয় আৰু ৰাজ্যখনত ১৫ বছৰীয়া তৃণমূল কংগ্ৰেছৰ শাসনৰ অন্ত পৰাৰ ইংগিত দিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
