তামিলনাডুৰ নতুন মুখ্যমন্ত্ৰী হিচাপে শপতগ্ৰহণ কৰিছে থালাপতি বিজয়ে৷ বিজয়ৰ শপতগ্ৰহণ অনুষ্ঠানক লৈ ৰাজনৈতিক মহলৰ ওপৰিও বিনোদন দুনীয়াতো খুবেই চৰ্চা হৈছে৷ আৰু এই অনুষ্ঠানত প্ৰথম শাৰীত অভিনেতা ৰাজনীতিকৰ খুবেই কাষত দেখা গৈছিল অভিনেত্ৰী তৃষা কৃষ্ণানক৷ তাৰপিছৰে পৰাই বিজয় আৰু তেওঁ প্ৰেমৰ সম্পৰ্কত থকাৰ কথা চৰ্চা হৈ আছে৷
দক্ষিণী ইণ্ডাষ্ট্ৰীৰ ভিতৰত দীৰ্ঘদিন ধৰি এই গুজব চলি আছে যে তৃষাৰ সৈতে ঘনিষ্ঠতাৰ কাৰণেই বিজয়ৰ ব্যক্তিগত জীৱনটো খেলিমেলি হৈ গ’ল৷ প্ৰথমা পত্নীৰ সৈতে তেওঁৰ সম্পৰ্ক বিচ্ছেদৰ পৰ্যায়লৈ গ’ল৷ অৱশ্যে এই বিষয়ত মুকলিকৈ কোনো মত ৰখা নাই তৃষা-বিজয় কোনোৱেই৷
ইয়াৰ মাজতেই নতুনকৈ শিৰোনামত উঠিছে তৃষাৰ নাম৷ শুনা গৈছে তামিলনাডুৰ প্ৰাক্তন উপমুখ্যমন্ত্ৰী তথা এম কে ষ্টেলিনৰ পুত্ৰ উদয়নিধি ষ্টেলিনে অভিনেত্ৰী তৃষাক এখন ছবিৰ বাবে মাতিছে৷ আনকি মোটা পাৰিশ্ৰমিক দিয়াৰ কথাও প্ৰকাশ কৰিছে৷ খবৰ অনুসৰি উদয়নিধিয়ে তেওঁৰ নতুন প্ৰযোজনাত তৃষাক নায়িকা হিচাপে বিচাৰিছে আৰু সেই ছবিৰ বাবে প্ৰায় ১২ কোটি টকা পাৰিশ্ৰমিকো অফাৰ কৰিছে৷
দক্ষিণী ফিল্ম ইণ্ডাষ্ট্ৰিত এই অংক ৰেকৰ্ড বুলিয়েই ক’ব পাৰি৷ কাৰণ সাধাৰণতে তৃষাই যি পাৰিশ্ৰমিক লয় তাৰ প্ৰায় ৬গুণ বেছি এই প্ৰস্তাব৷ ফলত বিষয়টোক লৈ ইতিমধ্যেই চৰ্চা আৰম্ভ হৈছে৷ উল্লেখ্য যে DMK প্ৰধান আৰু প্ৰাক্তন মুখ্যমন্ত্ৰী এম কে ষ্টেলিনৰ সন্তান উদয়নিধি ৰাজনীতিৰ ওপৰিও দীৰ্ঘদিন ধৰি অভিনয় আৰু প্ৰযোজনাৰ সৈতে জড়িত হৈ আছে৷ সেয়ে এইবাৰ আকৌ এখন নতুন ছবি প্ৰযোজনাৰ পৰিকল্পনাও কৰিছে উদয়নিধিয়েষ আৰু সেয়ে তৃষাক তেওঁ নতুন চিনেমাত নায়িকা হিচাপে থকাৰ অফাৰ আগবঢ়াইছে৷
অৱশ্যে অভিনেত্ৰী তৃষাই বৰ্তমানলৈ এই বিষয়ত কোনো মতামত দিয়া নাই৷ ছবিখনত তেওঁ থাকিবনে সেই বিষয়েও জনোৱা নাই৷ কি হ’ব তৃষাৰ সিদ্ধান্ত সেই বিষয়ত কিন্তু নজৰ ৰাখিছে সমগ্ৰ বিনোদনপ্ৰেমী জনতাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
