মাছ খাবলৈ ভয় কৰে, অন্যকাৰণ একো নাই ডিঙিত কাঁইট লগাৰ ভয়তে বহুতে মাছ নাখায়৷ মাছ খাওঁতে অসাৱধানবশত ডিঙিত কাঁইট লাগে৷ হঠাৎ এনে পৰিস্থিতিত আতংকিত নহৈ কিছু ঘৰুৱা উপায়েৰে এই সমস্যাৰ সমাধান ওলিয়াব পাৰে৷ ডিঙিত কাঁইট লাগিলে প্ৰথমে বুজাৰ চেষ্টা কৰক কাঁইট কোন স্থানত লাগিছে যদি ডিঙিৰ ওপৰৰ অংশ বা মুখৰ ভিতৰত কাঁইট দেখা পায় তেন্তে পৰিষ্কাৰ আঙুলিৰে সতৰ্কভাৱে সেয়া ওলিয়াই আনিব পাৰে৷ অৱশ্যে অতিৰিক্ত চাপ প্ৰয়োগ কৰা উচিত নহয়৷
বহুক্ষেত্ৰত নেমুৰসো উপকাৰী হ’ব পাৰে৷ চিকিৎসকৰ মতে নেমুত থকা এছিডে মাছৰ কাঁইট কিছু নৰম কৰাত সহায় কৰে৷ সেয়ে সামান্য নেমুৰ ৰস খালে বা নেমু চুহিলে কাঁইট নিমিখতে তললৈ নামি যোৱাৰ সম্ভাৱনা থাকে৷ ইয়াৰোপৰি ভাতৰ লডা গিলি পেলালে পুৰণি ঘৰুৱা পদ্ধতিও বহু সময়ত কাৰ্যকৰ হয়৷ এক নিশ্বাসতে নৰম ভাতৰ লডা গিলি পেলালে কাঁইট লগে লগে তললৈ নামি যাব পাৰে৷ খুব ডাঙৰ লডা অৱশ্য নাখাব অন্যথা ডিঙিত ভাতো লাগি ধৰিব পাৰে৷
বহু সময়ত মাছৰ কাঁইট টনছিলৰ আশেপাশে ৰৈ যায়৷ এইক্ষেত্ৰত কেইবাবাৰ জোৰেৰে কাঁহি দিলে কাঁইট বাহিৰলৈ ওলাই আহে৷ ইয়াৰোপৰি অলপ অলপকৈ বাৰে বাৰে পানী পান কৰিলেও কাঁইট তললৈ নামি যাব পাৰে৷
চিকিৎসকে কয় যে বেছিভাগ ক্ষেত্ৰত সৰু মাছৰ কাঁইট ঘৰুৱা উপায়েৰে ওলিয়াই অনা সম্ভৱ৷ বিষ বাঢ়িলে, শ্বাসকষ্ট বাঢ়িলে, দীৰ্ঘ সময় কাঁইট ৰৈ থাকিলে দ্ৰুত চিকিৎসকৰ পৰামৰ্শ লোৱা জৰুৰী৷ নিজে চেষ্টা নকৰি চিকিৎসকৰ পৰামৰ্শ লোৱাটোয়েই গুৰুত্বপূৰ্ণ বুলি সতৰ্কবাণী দিয়ে চিকিৎসকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
