ললিত মোদী আৰু সুস্মিতা সেনৰ প্ৰেম কাহিনীয়ে এটা সময়ত ইণ্টাৰনেটত ধুমুহাৰ সৃষ্টি কৰিছিল। ২০২২ চনৰ জুলাই মাহত আই পি এলৰ প্ৰাক্তন বিষয়াগৰাকীয়ে তেওঁলোকৰ চাৰ্ডিনিয়া আৰু মালদ্বীপ ভ্ৰমণৰ কিছু অন্তৰংগ ছবি ছ’চিয়েল মিডিয়াত পোষ্ট কৰি তেওঁলোকৰ প্ৰেমৰ কথা ঘোষণা কৰিছিল। তাৰ পিছত প্ৰায় চাৰি বছৰ পাৰ হৈ গ’ল। এই দীঘলীয়া সময়ছোৱাত তেওঁলোকৰ সম্পৰ্ক আৰু হঠাৎ বিচ্ছেদ সম্পৰ্কে ডিজিটেল জগতত আলোচনা হৈছে। ট্ৰ’লিঙৰ পৰা আৰম্ভ কৰি সুস্মিতাক ‘গোল্ড ডিগাৰ’ বা টকা-পইচা বিচৰা বুলি কোৱালৈকে বিৰোধীসকলে একোৱেই এৰি দিয়া নাই। অৱশেষত ললিত মোদীয়ে নিজেই সেই বহু চৰ্চিত সম্পৰ্ক আৰু বিচ্ছেদৰ প্ৰকৃত কাৰণক লৈ নিজৰ মৌনতা ভাঙিছে।
Just back in london after a whirling global tour #maldives # sardinia with the families – not to mention my #better looking partner @sushmitasen47 – a new beginning a new life finally. Over the moon. 🥰😘😍😍🥰💕💞💖💘💓. In love does not mean marriage YET. BUT ONE THAT For sure pic.twitter.com/WL8Hab3P6V
— Lalit Kumar Modi (@LalitKModi) July 14, 2022
শেহতীয়াকৈ এক দীঘলীয়া পোষ্টত ললিত মোদীয়ে স্পষ্ট কৰি দিয়ে যে তেওঁলোকৰ মাজত কোনো তিক্ততা নাই। আচলতে পৰিস্থিতিৰ বাবেই সম্পৰ্কৰ অন্ত পৰিল। বৰ্তমান ললিতে লণ্ডনত থাকে, আনহাতে সুস্মিতাৰ গোটেই কেৰিয়াৰ আৰু জীৱন ভাৰততে অতিবাহিত হ’ব। অৱশ্যে বিচ্ছেদ হোৱাৰ পিছতো সুস্মিতা তেওঁৰ জীৱনৰ এগৰাকী অতি ‘বিশেষ’ ব্যক্তি। ললিতৰ ভাষাত “সুস্মিতাই মোৰ জীৱনত অতি গুৰুত্বপূৰ্ণ ভূমিকা পালন কৰিছে। আজি মই যি, তাত তেওঁৰ বহুত অৰিহণা আছে। দুয়োৰে মাজৰ দূৰত্ব হয়তো বাঢ়িছে, কিন্তু এতিয়াও মোৰ অতি মৰমৰ বন্ধৱী। তেওঁৰ মংগল কামনা কৰিলোঁ।” ললিত মোদীয়ে তেওঁৰ বিৰোধীসকলৰ চিন্তাধাৰাক আৱৰ্জনা বুলি প্ৰমাণ কৰি দিলে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
