আমি টোপনিত বহুতো সপোন দেখো। সামুদ্ৰিক শাস্ত্ৰ অনুসৰি প্ৰতিটো সপোনে বেলেগ বেলেগ ইংগিত দিয়ে। কেতিয়াবা টোপনিত এনে কিছুমান সপোন দেখো, যিয়ে গোটেই নিশা শুবলৈ নিদিয়ে।
এনেবোৰ সপোন দেখি টোপনিৰ পৰা সাৰ পালে ভয় আৰু আতংকৰ বাবে হাত-ভৰি ঠাণ্ডা হৈ পৰে, আৰু বুকুখন ধপধপাই থাকে।
ৰাতি বহুতে ভয়ংকৰ গাড়ী দুৰ্ঘটনাৰ সপোন দেখে, ফলত প্ৰায়ে স্তম্ভিত হৈ পৰে। ৰাতিপুৱা সাৰ পালে এটা কথাই মনলৈ মাতি থাকে, ‘সঁচাকৈয়ে হ’ব নেকি?’। জ্যোতিষ আৰু সপোন বিজ্ঞানে অৱশ্যে বেলেগ কথা কৈছে। এনে সপোন আচলতে অলৌকিক ভৱিষ্যতৰ বাৰ্তা নহয়, বৰঞ্চ আপোনাৰ বৰ্তমান জীৱন আৰু গ্ৰহ-নক্ষত্ৰৰ মানসিক উত্তেজনাৰ জটিল সমীকৰণহে।
জ্যোতিষৰ গৱেষকসকলৰ মতে অৱচেতন মনৰ পৰা অহা এই সংকেতসমূহ আমাৰ দৈনন্দিন জীৱনৰ বিভিন্ন সমস্যাৰ প্ৰতিফলন। কোন ধৰণৰ দুৰ্ঘটনাৰ সপোনবোৰে আপোনাৰ জীৱনৰ কোনটো পৰিস্থিতিৰ ইংগিত দিয়ে জানি লওক।
গছত খুন্দা মৰা
যদি আপুনি সপোনত দেখিছে যে আপোনাৰ গাড়ীখনে নিয়ন্ত্ৰণ হেৰুৱাই গছত খুন্দা মাৰিছে, তেন্তে শাস্ত্ৰ অনুসৰি ই একেবাৰেই ভাল লক্ষণ নহয়। ইয়াৰ দ্বাৰা মূলতঃ পৰিয়ালৰ ভয়াৱহ অশান্তি বা কোনো গোপন পাৰিবাৰিক সমস্যাৰ ইংগিত পোৱা যায়।
গাড়ী উলটি যোৱা
বহুতে সপোন দেখিছে এখন গাড়ী হঠাতে উলটি যোৱা। একাংশ মনোবিজ্ঞানীৰ মতে আচলতে এইটো অত্যধিক নিয়ন্ত্ৰণৰ প্ৰকাশ। বাস্তৱ জীৱনত হয়তো কোনোবাই তেওঁলোকৰ নিৰ্দেশত আপোনাক জোৰকৈ গাড়ী চলাবলৈ চেষ্টা কৰিছে আৰু আপুনি আপোনাৰ ইচ্ছাৰ বিৰুদ্ধে তেনে কৰিবলৈ বাধ্য হৈছে।
গাঁতত পৰা
আটাইতকৈ বিপদজনক সপোনটো হ’ল গাড়ীৰে দ গাঁতত পৰি যোৱা। সপোন বিজ্ঞানৰ মতে এয়া এজন ব্যক্তিৰ তীব্ৰ মানসিক অস্থিৰতা আৰু হতাশাৰ লক্ষণ। এই সপোনটোৱে এই কথাটোকে আঙুলিয়াই দিয়ে যে আপুনি লাহে লাহে হতাশা বা মানসিক বিষৰ অগাধত ডুব গৈ আছে, যিটো আপুনি হয়তো উপলব্ধিও কৰিব নোৱাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
