প্ৰশ্নকাকত ফাদিলৰ বিৰুদ্ধে আহিব নেকি নতুন আইন?

NEET প্ৰশ্নকাকত ফাদিলৰ সমস্যাক লৈ যন্তৰ মন্তৰত প্ৰতিবাদ অব্যাহত আছে। সমাজকৰ্মী ছোনম ৱাংচুকেও দোষীসকলৰ বিৰুদ্ধে কঠোৰ ব্যৱস্থা গ্ৰহণৰ আশ্বাস লাভ কৰাৰ পিছতে অনশন বন্ধ কৰিছে। ৱাংচুকে ধৰ্মঘট সমাপ্ত কৰাৰ পূৰ্বে প্ৰধানমন্ত্ৰী নৰেন্দ্ৰ মোদীয়ে নিজেই এই বিষয়টোক অৱশেষত গুৰুত্ব সহকাৰে লৈছিল। বিগত ২৪ ঘণ্টাত প্ৰধানমন্ত্ৰীয়ে দুটা বাৰ্তাৰ জৰিয়তে স্পষ্ট কৰিবলৈ চেষ্টা কৰিছে যে চৰকাৰে বিষয়টো গুৰুত্ব সহকাৰে লৈছে। বৃহস্পতিবাৰে নিশা প্ৰধানমন্ত্ৰী মোদীয়ে ঘোষণা কৰে যে অহা সপ্তাহত সংসদত এখন বিধেয়ক উত্থাপন কৰা হ’ব, য’ত প্ৰশ্নকাকত ফাদিলৰ বিৰুদ্ধে কঠোৰ বিধান থাকিব। প্ৰায় ৩ মিনিটৰ ভিডিঅ’ বাৰ্তাত প্ৰধানমন্ত্ৰী মোদীয়ে উল্লেখ কৰে যে শুকুৰবাৰে কেন্দ্ৰীয় কেবিনেটৰ বৈঠকত এই খচৰা বিধেয়কখনৰ বিষয়ে আলোচনা কৰা হ’ব, য’ত প্ৰস্তাৱিত আইনখন চূড়ান্ত কৰা হ’ব।

প্ৰশ্নকাকত ফাদিলৰ দোষীৰ বিৰুদ্ধে কঠোৰ শাস্তিৰ বিধান

সূত্ৰ অনুসৰি, ২০২৪ চনৰ ২১ জুনৰ পৰা কাৰ্যকৰী হোৱা ৰাজহুৱা পৰীক্ষা আইন, ২০২৪ত কেইবাটাও সংশোধনী হ’ব পাৰে। ইয়াক অধিক কঠোৰ কৰাৰ সম্ভাৱনা আছে। গোচৰৰ শুনানিৰ বাবে ফাষ্ট ট্ৰেক আদালত স্থাপনৰ ব্যৱস্থা সংযোজন হব। লগতে ফাষ্ট ট্ৰেক আদালতকো অধিক ক্ষমতা প্ৰদান কৰা হব বুলি আশা কৰা হৈছে। তদুপৰি শাস্তি আৰু জৰিমনা বৃদ্ধি কৰাৰ ক্ষেত্ৰতো চিন্তা চৰ্চা কৰা হৈছে। বৰ্তমান ব্যক্তিগত গোচৰত ৩ বছৰৰ পৰা ৫ বছৰৰ শাস্তি আৰু ১০ লাখ টকা পৰ্যন্ত জৰিমনা বিহা হয়। আনহাতে সেৱা প্ৰদানকাৰীসকলে এক কোটি টকা পৰ্যন্ত জৰিমনা ভৰিব লাগিব। সংগঠিত অপৰাধত ৫ৰ পৰা ১০ বছৰৰ শাস্তি আৰু নূন্যতম এক কোটি টকা জৰিমনা বিহা হয়।

কঠোৰ বিধান থকা এখন বিধেয়ক অনাৰ প্ৰতিশ্ৰুতি

প্ৰধানমন্ত্ৰীয়ে লগতে তেওঁ কয় যে আজি কেবিনেটে প্ৰশ্নকাকত ফাদিলৰ বিষয়টো আলোচনা কৰি কেবিনেটৰ সহযোগীসকলৰ পৰামৰ্শৰ ভিত্তিত প্ৰশ্নকাকত ফাদিলৰ বিৰুদ্ধে অধিক ব্যৱস্থা গ্ৰহণৰ সিদ্ধান্ত লোৱা হ’ব। লগতে মোদীয়ে কয় যে যেতিয়া সোমবাৰৰ পৰা সংসদৰ বৰ্ষাকালীন অধিৱেশনৰ দ্বিতীয় সপ্তাহ আৰম্ভ হ’ব। এই অধিৱেশনত প্ৰশ্নকাকত ফাদিলৰ সৈতে জড়িত গোচৰত কঠোৰ ব্যৱস্থা লোৱাৰ বিধান থকা এখন বিধেয়ক উত্থাপন কৰা হ’ব। এই বিধেয়কখনক শীঘ্ৰেই গৃহীত কৰাৰো চেষ্টা কৰা হব বুলি প্ৰতিশ্ৰুতি দিয়ে মোদীয়ে।

ফাষ্ট ট্ৰেক আদালতৰ ঘোষণা প্ৰধানমন্ত্ৰী মোদীয়ে

প্ৰশ্নকাকত ফাদিলৰ গোচৰৰ সৈতে জড়িতসকলৰ বিৰুদ্ধে কঠোৰ ব্যৱস্থা গ্ৰহণৰ সন্দৰ্ভত প্ৰধানমন্ত্ৰী মোদীয়ে কয়, “দোষী ধৰা পৰিছে। এতিয়া তেওঁলোক জেলত আছে। ছাত্ৰ-ছাত্ৰীৰ বছৰটো যাতে অপচয় নহয় তাৰ প্ৰতি লক্ষ্য ৰখাটো আমাৰ প্ৰাথমিক দায়িত্ব আছিল। সেয়েহে অতি সোনকালে পৰীক্ষা অনুষ্ঠিত কৰাটো প্ৰয়োজনীয় হৈ পৰিল। সকলো সম্পদ ব্যৱহাৰ কৰি চৰকাৰে নিশ্চিত কৰিলে যে ২২ লাখ ছাত্ৰ-ছাত্ৰীয়ে পুনৰ পৰীক্ষাত অৱতীৰ্ণ হোৱাৰ ব্যৱস্থাটো সুকলমে হৈ যায়।”

এই প্ৰতিবেদন যুগুতাইছে মানসজ্যোতিয়ে

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ