বাৰে বাৰে হত্যাৰ ভাবুকি আহিছে মুখ্যমন্ত্ৰী হিমন্ত বিশ্ব শৰ্মালৈ। ১৫ আগষ্টত মুখ্যমন্ত্ৰী ড০ হিমন্ত বিশ্ব শৰ্মাৰ স্বাধীনতা দিৱসৰ ভাষণৰ ফেচবুক লাইভ চলি থকাৰ সময়তে কমেণ্টৰ জৰিয়তে হ*ত্যাৰ ভাবুকি দিয়ে এজন ব্যক্তিয়ে। ১ কোটি টকা দিলেই মুখ্যমন্ত্ৰীক হ*ত্যা কৰাৰ ভাবুকি দিছিল। এই ঘটনাৰ সৈতে জড়িত হোৱাৰ অভিযোগত মৰিগাঁৱৰ আব্দুল মোতালেবক আৰক্ষীয়ে গ্ৰেপ্তাৰ কৰে। অৱশ্যে মোতালেবে তেওঁৰ বিৰুদ্ধে উত্থাপিত অভিযোগ অস্বীকাৰ কৰি তেওঁৰ নাম আৰু ফটো ব্যৱহাৰ কৰি ভুৱা ফেচবুক একাউণ্ট খোলা হৈছিল বুলি দাবী কৰে।
এই চৰ্চাৰ মাজতে কালিৰে পৰা সামাজিক মাধ্যমত মুখ্যমন্ত্রীক ফেচবুকত হ*ত্যাৰ ভাবুকি দিয়া আব্দুল মোতালেব প্রকৃততে নাৰায়ণ দাস নামৰ এগৰাকী হিন্দু যুৱক বুলি এক ধৰণৰ প্রচাৰ চলাইছিল কোনো অচিনাক্ত ব্যক্তিয়ে। কিন্তু আজি এই অপপ্রচাৰ চলোৱা মাষ্টাৰমাইণ্ডজনক তামিলনাডু আৰক্ষীৰ সহায়ত অসম আৰক্ষীয়ে হোছুৰৰ পৰা আটক কৰে। ২৯ বছৰীয়া মুকশ্বিদুল ৰহমানৰো বাসগৃহ মৰিগাওঁ জিলাৰ বেটনী গাঁৱত।
তেওঁ হিন্দুৰ নাম দি সাম্প্রদায়িক বিষবাষ্প বিয়পোৱাৰ এক ষড়যন্ত্র ৰচনা কৰিছিল। ইয়াৰ আঁৰত অসমৰ বাহিৰৰ পৰা পৰিচালিত হোৱা এক মৌলবাদী গোট আছে বুলিও আৰক্ষীয়ে সন্দেহ প্ৰকাশ কৰিছে। তেওঁলোকে বিশেষকৈ সামাজিক মাধ্যমক অসম অশান্ত কৰাৰ এক লক্ষ্য হিচাপে নির্ধাৰণ কৰি লৈছে বুলি সুত্রমতে জানিব পৰা গৈছে।
(এই তথ্য যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
