ৰাজস্থানৰ দৌছা জিলাত এগৰাকী নাবালিকাক অপহৰণ কৰি দলবদ্ধ ধ*ৰ্ষণ কৰাৰ অভিযোগে তীব্ৰ চাঞ্চল্যৰ সৃষ্টি কৰিছে। অভিযোগ অনুসৰি, দিল্লী-মুম্বাই এক্সপ্ৰেছৱেৰ সমীপত তিনিজন অভিযুক্তই নাবালিকাগৰাকীক জোৰকৈ গাড়ীত উঠাই লৈ যায় আৰু অপকৰ্ম সংঘটিত কৰে।
ঘটনাৰ পিছত নাবালিকাৰ শাৰীৰিক অৱস্থা গুৰুতৰ হৈ পৰে। ইয়াৰ পিছতে নাবালিকাগৰাকীয়ে এটা মৃত সন্তান জন্ম দিয়ে। ভয় আৰু বিভ্ৰান্তিৰ মাজত নৱজাতকটোক কাপোৰত মেৰিয়াই চিকিৎসালয়লৈ যায়। চিকিৎসকে পৰীক্ষা কৰি নৱজাতকটোক মৃত বুলি ঘোষণা কৰে। ঘটনা জানিব পাৰি আৰক্ষীয়ে তদন্ত আৰম্ভ কৰিছে আৰু অভিযুক্তসকলক বিচাৰি কেইবাটাও দলে অভিযান চলাই আছে।
ভুক্তভোগীয়ে আৰক্ষীক জনোৱা মতে, নিশাৰ সময়ত ৩ অভিযুক্তই নাবালিকাক জোৰকৈ গাড়ীত উঠাই লৈ যায়। তাৰ পিছত দিল্লী-মুম্বাই এক্সপ্ৰেছৱেৰ ওচৰত অপকৰ্ম সংঘটিত কৰে। পিছত কলেক্টৰেট চৌহদৰ ওচৰত নাবালিকাক এৰি অভিযুক্তসকলে পলায়ন কৰে। ইয়াৰ পিছতে এজন পথচাৰীয়ে নাবালিকাগৰাকীক চিকিৎসালয়লৈ নিয়ে। চিকিৎসালয়ত কিশোৰীগৰাকীয়ে অপকৰ্মৰ অভিযোগ দিয়ে।
নাবালিকাগৰাকী পূৰ্বৰে পৰাই গৰ্ভৱতী আছিল
তদন্তত পোহৰলৈ আহিছে যে নাবালিকাগৰাকী পূৰ্বৰে পৰাই গৰ্ভৱতী আছিল। অভিযোগ অনুসৰি, চলিত বৰ্ষৰ ফেব্ৰুৱাৰীৰ পৰা মে’ মাহৰ ভিতৰত অনিল কুমাৰ নামৰ এজন যুৱকে নাবালিকাগৰাকীৰ সৈতে কেইবাবাৰো শাৰীৰিক সম্পৰ্ক কৰিছিল। কেইবাবাৰো বাইকেৰে হাস্পতাললৈও নাবালিকাগৰাকীক অনিলে আনিছিল বুলি ইতিমধ্য়ে CCTVত ধৰা পৰিছে। ইতিমধ্যে অনিল নামৰ যুৱকজনকো আৰক্ষীয়ে আটক কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
