হোটেল বিলাস ইন কাণ্ডক কেন্দ্ৰ কৰি ৰাজ্যজুৰি সৃষ্টি হৈছে শোকাকুল পৰিৱেশৰ। কিন্তু শোক আৰু ক্ষোভৰ মাজতে চৰ্চালৈ আহিছে অভিযুক্ত ঘনকান্তৰ নিৰাপত্তা আৰু আইনী অধিকাৰৰ প্ৰসংগ। পাঁচগৰাকী লোকক গুলীওৱাৰ পিছত ঘনকান্ত গগৈৰ বিৰুদ্ধে এনকাউণ্টাৰ কৰিবলৈ দাবী উত্থাপন হৈছিল।
কিন্তু অভিযুক্তক আৰক্ষীয়ে সুৰক্ষা দিব লাগিব?
কোনো ব্যক্তিৰ বিৰুদ্ধে অপৰাধৰ অভিযোগ উত্থাপন হ’লে আৰক্ষীয়ে তেওঁক গ্ৰেপ্তাৰ কৰিব পাৰে আৰু তদন্তৰ স্বাৰ্থত জেৰা কৰিব পাৰে। কিন্তু অভিযুক্ত হ’লেই কোনো ব্যক্তিক শাস্তি দিয়াৰ চূড়ান্ত অধিকাৰ আৰক্ষীয়ে লাভ নকৰে। সেই অধিকাৰ আদালতৰ আইনী প্ৰক্ৰিয়াৰ সৈতে জড়িত।
ভাৰতীয় সংবিধানৰ ২১ নং অনুচ্ছেদ অনুসৰি, আইনত নিৰ্ধাৰিত প্ৰক্ৰিয়া অনুসৰণ নকৰাকৈ কোনো ব্যক্তিক তেওঁৰ জীৱন বা ব্যক্তিগত স্বাধীনতাৰ পৰা বঞ্চিত কৰিব নোৱাৰি। এই অধিকাৰ অভিযুক্ত ব্যক্তিৰ ক্ষেত্ৰতো প্ৰযোজ্য।
সেয়েহে অভিযুক্ত ঘনকান্তৰ জীৱনৰ প্ৰতি ভাবুকি সৃষ্টি হোৱাৰ আশংকা থাকিলে আৰক্ষীয়ে তেওঁৰ সুৰক্ষা নিশ্চিত কৰাৰ ব্যৱস্থা ল’ব লাগিব পাৰে। ইয়াৰ অৰ্থ এইটো নহয় যে আৰক্ষীয়ে তেওঁক অপৰাধৰ অভিযোগৰ পৰা ৰেহাই দিছে। বৰং তদন্ত আৰু বিচাৰ যাতে আইন অনুসৰি সম্পন্ন হয়, সেয়া নিশ্চিত কৰাটোৱেই ইয়াৰ উদ্দেশ্য।
৫ গৰাকীকৈ লোকক হত্যা কৰা ঘনকান্ত গগৈক গ্ৰেপ্তাৰ কৰাৰ পিছতো এতিয়া ঘনকান্তক সুৰক্ষা দিব আৰক্ষীয়ে। CJM আদালতত ঘনকান্তৰ অধিবক্তাই দাখিল কৰিলে জেনেৰেল পিটিচন। আচামীৰ অধিকাৰ নিৰাপত্তা আৰু সুৰক্ষাক লৈ এই পিটিচন দিয়া হৈছে।
পিটিচনৰ পিছতে আৰক্ষীক কঠোৰ নিৰ্দেশনা CJMআদালতৰ। কিয়নো হত্যাকাৰী ঘনকান্ত গগৈক নিৰাপত্তা দিব লাগিব আৰক্ষীয়ে। এতিয়া কোনো কাৰণত আৰক্ষীৰ জিম্মাত নিৰ্যাতন চলাব নোৱাৰিব হত্যাকাৰী ঘনকান্তক। স্বাস্থ্য পৰীক্ষায়েই হওক বা আদালতলৈ নিয়া অৱস্থাত আৰক্ষী থানাৰ পৰা উলিয়াই আনিলে থাকিব লাগিব DSPপৰ্যায়ৰ বিষয়া।
ইয়াৰোপৰি, সূৰ্যাস্তৰ পাছত আৰু সূৰ্যোদয়ৰ আগত উলিয়াই আনিব নোৱাৰিব ঘাতক ঘনককান্তক। তেওঁক জে’লত বিচৰা ধৰণে যোগান ধৰিব লাগিব খাদ্য সামগ্ৰী,প্ৰাথমিক সামগ্ৰী। ইফালে ২৪ঘণ্টাৰ মূৰে-মূৰে হত্যাকাৰীক স্বাস্থ্য পৰীক্ষা কৰাৰ নিৰ্দেশ প্ৰদান কৰা হৈছে অভিযুক্তক। যদি কোনো কাৰণত আৰক্ষী জিম্মাৰপৰা পলায়ন কৰে ঘনকান্ত, তেন্তে দায়ী হ’ব শীৰ্ষ আৰক্ষী বিষয়া। ইতিমধ্য ৭দিনৰ আৰক্ষী জিম্মালৈ প্ৰেৰণ কৰা হৈছে ঘনকান্ত গগৈক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
