৮০শতাংশ ভাৰতীয়ৰে কলষ্টেৰল অস্বাভাৱিক, ইয়াৰ ফলতেই বাঢ়িছে হাৰ্ট এটেকত মৃত্যুৰ হাৰ?

সুস্থ-সবল মানুহৰেই হঠাৎ হাৰ্টএটেকত মৃত্যু৷ এই ধৰণৰ ঘটনা এতিয়া প্ৰতিদিনেই শুনা যায়৷ কিন্তু হাৰ্ট এটেকৰ আশংকা কিয় ইমান বাঢ়িছে৷ হাৰ্টএটেকত আশংকা কমাব পাৰি এটা সৰু তেজ পৰীক্ষা কৰিয়েই৷ সেয়া হৈছে লিপিড প্ৰফাইল৷ প্ৰায় ৮০শতাংশ ভাৰতীয়ৰ লিপিড প্ৰফাইল স্বাভাৱিক নহয় আৰু বেছিভাগ মানুহে এই বিষয়ে অৱগতও নহয়৷

লিপিড প্ৰফাইলত কি জনা যায়?

লিপিড প্ৰফাইলে বেয়া কলষ্টেৰল, হাই ডেনচিটি কলষ্টেৰল আৰু ট্ৰাইগ্লিছাৰাইডৰ মাত্ৰা জনাই দিয়ে৷ কলষ্টেৰলৰ মাপকাঠিয়েই কৈ দিব পাৰে আপোনাৰ হৃদৰোগৰ আশংকা কিমান৷ বেয়া কলষ্টেৰলৰ মাত্ৰা সকলো সময়তে ১০০mg/dL-ৰ তলত, ট্ৰাইগ্লিছাৰাইডৰ মাত্ৰা ১৫০ mg/dLৰ তলত আৰু কলষ্টেৰলৰ মাত্ৰা ২০০ ২০০ mg/dLৰ তলত থকা উচিত৷ আৰু ভাল কলষ্টেৰল সকলো সময়তে ৫০ mg/dL ৰ ওপৰত থাকিব লাগে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ