অসম লাইভ২৪ঃ আধাৰ নাগৰিক হোৱাৰ পৰিচয়পত্ৰ নহ’লেও এই নথি এতিয়া প্ৰত্যেকজন ব্যক্তিৰ অধিকাৰ। বিভিন্ন যোজনাৰ পৰা আৰম্ভ কৰি বেংক, এল পি জি সকলোতেই আধাৰ কাৰ্ডৰ প্ৰয়োজন। এই আধাৰ কাৰ্ডক লৈ এইবাৰ কঠোৰ হৈছে কেন্দ্ৰীয় চৰকাৰ। আধাৰ কাৰ্ডৰ বাবে নতুন ব্যৱস্থা আৰম্ভ কৰিছে কেন্দ্ৰই। ইয়াৰ বাবে নতুন আধাৰ কাৰ্ডৰ আৱেদনকাৰীসকলৰ ভেৰিফিকেছনৰ কাম কৰিব ৰাজ্য চৰকাৰে। প্ৰায় পাছপৰ্ট ভেৰিফিকেছনৰ দৰেই হ’ব এই ভেৰিফিকেছন। এছডিএম স্তৰৰ অফিচাৰৰ অনুমোদনৰ পাছতহে আধাৰ কাৰ্ড লাভ কৰিব আৱেদনকাৰীয়ে। এবাৰ আধাৰ কাৰ্ড তৈয়াৰ হোৱাৰ পাছত স্বাভাৱিক প্ৰক্ৰিয়াৰে আপুনি আপডেট কৰিব পাৰিব। যিসকলৰ পূৰ্বেই আধাৰ কাৰ্ড তৈয়াৰ হৈ আছে তেওঁলোকে এই কাম কৰাৰ প্ৰয়োজন নাই।
নতুন নিৰ্দেশনাত কি আছে?
নতুন নিৰ্দেশনা অনুসৰি চৰকাৰে আধাৰ আৱেদনৰ ভেৰিফিকেছনৰ বাবে জিলা স্তৰৰ অতিৰিক্ত জিলা মেজিষ্ট্ৰেট আৰু মহকুমা স্তপপ এছডিএমক দায়িত্ব দিব পাৰে। এই অধিকাৰীসকলৰ দ্বাৰা অনুমোদন লাভ কৰাৰ পাছত নতুন আধাৰ কাৰ্ড তৈয়াৰ হ’ব। নতুন আধাৰ কাৰ্ড লাভ কৰিবৰ বাবে পূৰ্বৰ দৰেই শাৰীৰিক ভেৰিফিকেশ্ব্যন কৰিব পাৰে। এইক্ষেত্ৰত আৱেদনকাৰীয়ে জিলাৰ মুল পোষ্ট অফিচ বা অন্য আধাৰ কেন্দ্ৰত হাজিৰ হ’ব লাগিব।
ৰাজ্য চৰকাৰৰ অনুমতি বাধ্যতামূলক
নতুন নিৰ্দেশনা অনুসৰি চৰকাৰে আধাৰ আবেদনৰ ভেৰিফিকেছনৰ বাবে জিলা স্তৰৰ অতিৰিক্ত জিলা মেজিষ্ট্ৰেট আৰু মহকুমা স্তৰৰ এছডিএমক মনোনীত কৰিব পাৰে। এই অধিকাৰীসকলৰ দ্বাৰা অনুমোদনৰ পাছত নতুন আধাৰ কাৰ্ড ইছ্যু কৰিব। নতুন আধাৰ কাৰ্ড ইছ্যু কৰাৰ বাবে শাৰীৰিক ভেৰিফিকেছনৰ প্ৰয়োজন হ’ব। এইক্ষেত্ৰত আৱেদনকাৰীয়ে জিলাৰ মুল পোষ্ট অফিচ বা অন্য আধাৰ কেন্দ্ৰত হাজিৰ হোৱাটো বাধ্যতামূলক।
আধাৰ কাৰ্ড তৈয়াৰৰ বাবে লাগিব পাৰে ১৮০ দিন
নতুন নিয়মৰ আওতাত এটা নতুন আধাৰ ইছ্যু কৰিবলৈ মুঠ ১৮০ দিন পৰ্যন্ত সময় লাগিব পাৰে। কাৰণ আধাৰৰ আবেদন কৰাৰ পাছত UIDAI ডাটাৰ গুণমান পৰীক্ষা কৰি তাৰপাছত পৰিসেৱা প্লাছ পৰ্টেলত আবেদন কৰিব। আবেদনকাৰীৰ জমা দিয়াৰ সমস্ত নথিৰ পুনৰীক্ষণ কৰা হ’ব। ইয়াৰ পাছতহে এছডিএম স্তৰৰ পৰা আধাৰ ইছ্যু কৰাৰ অনুমতি দিয়া হ’ব। যদি কাগজপত্ৰত কোনো ভুল পোৱা যায় তেন্তে এই আবেদন বাতিল কৰা হ’ব।
আবেদনকাৰী উপস্থিত থকাটো বাধ্যতামূলক
নিৰ্দেশ অনুসৰি আবেদনকাৰী শাৰীৰিকভাৱে ঘটনাস্থলীত উপস্থিত থকাটো বাধ্যতামূলক। ইয়াৰ বাবে অন্য ৰাজ্য আৰু কেন্দ্ৰীয়শাসিত অঞ্চলত বসবাসকাৰী আবেদনকাৰীসকলে নিজৰ এলেকাত গৈ এই ভেৰিফিকেছনত অংশ ল’ব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
