২৯ ছেপ্টেম্বৰত অনুষ্ঠিত হ’বলগীয়া নিযুক্তি পৰীক্ষাক লৈ বিশেষ নিয়ম৷
নিযুক্তি পৰীক্ষা দিবলৈ যোৱা পৰীক্ষাৰ্থীক পৃথকে পৃথকে লোৱা হ’ব তালাচী৷
পৃথক পৃথক স্থানত চলিব পুৰুষ আৰু মহিলাৰ তালাচী৷
আশা কৰ্মী, অংগনবাড়ী কৰ্মীৰ উপস্থিতিত মহিলা কনিষ্টবলে কৰিব তালাচী৷
মহিলা পৰীক্ষাৰ্থীৰ গোপনীয়তাৰ বাবে আঁৰ কৰা থাকিব তালাচীৰ স্থান৷
মহিলাৰ তালাচীৰ সময়ত চি চি টিভি ৰেকৰ্ডিং নিষিদ্ধ৷
প্ৰতিগৰাকী পৰীক্ষাৰ্থীক মেনুৱেলি কৰা হ’ব তালাচী৷
সম্পূৰ্ণ প্ৰটকল মানি মহিলা পুৰুষ উভয়েই তালাচীৰ পাছতহে প্ৰৱেশ কৰিব পাৰিব পৰীক্ষাকেন্দ্ৰৰ ভিতৰত৷
কঁকাল, গোৰোহা, পকেট সকলোবোৰেই কৰা হ’ব পৰীক্ষা৷
পৰীক্ষাকেন্দ্ৰত অনুমতি নথকা কোনো সামগ্ৰী লৈ প্ৰৱেশ কৰিলে লগে লগেই কৰা হ’ব জব্দ৷
কোনো মহিলাই তালাচিৰ বাবে সন্মত নহ’লে জনাব লাগিব কেন্দ্ৰ কৰ্তৃপক্ষক৷
নিষিদ্ধ সামগ্ৰী লৈ পৰীক্ষাহলত প্ৰৱেশ কৰিলে লোৱা হ’ব আইনী ব্যৱস্থাও৷
ইয়াৰোপৰি কাইলৈ ৰাজ্যত ৮ঘণ্টাৰ বাবে কৰ্তন কৰা হ’ব ইণ্টাৰনেট৷
পুৱা ৮.৩০ বজাৰ পৰা ৪.৩০ বজালৈ বন্ধ ৰখা হ’ব ইণ্টাৰনেট৷
অসমৰ প্ৰতিখন জিলাতেই প্ৰযোজ্য হ’ব নিৰ্দেশনা৷
২৭খন জিলাক সামৰি অনুষ্ঠিত হ’ব এডিআৰই পৰীক্ষা৷
পুৱা ৯বজাৰ পৰা ১২ বজালৈ অনুষ্ঠিত হ’ব প্ৰথম পৰ্যায়ৰ পৰীক্ষা৷
দিনৰ ১.৩০ দিনৰ পৰা ৪.৩০ লৈ অনুষ্ঠিত হ’ব দ্বিতীয় পৰ্যায়ৰ পৰীক্ষা৷
নিযুক্তি পৰীক্ষাক লৈ এই সিদ্ধান্ত ৰাজ্য চৰকাৰৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
