এডভাণ্টেজ আসামৰ ২.০ৰ বিনিয়োগকাৰীক সাক্ষাতৰ উদ্দেশ্যে ছিংগাপুৰত মুখ্যমন্ত্ৰী শৰ্মা, দেশখনৰ ৰাষ্ট্ৰপতিৰ সৈতে সাক্ষাতে লাভ কৰিছে বিশেষ চৰ্চা
অসমত বৰ্তমানে অডভাণ্টেজ আসাম ২.০ৰ প্ৰস্তুতি তুংগত। সেই উদ্দেশ্যে অসমৰ মুখ্যমন্ত্ৰী হিমন্ত বিশ্ব শৰ্মাইয়ো ১০ ফেব্ৰুৱাৰী সোমাবাৰে ছিংগাপুৰত উপস্থিত হয়। মুখ্যমন্ত্ৰী শৰ্মাই দেশখনৰ ৰাষ্ট্ৰপতি, মন্ত্ৰী, বিনিয়োগকাৰী আদিক সাক্ষাত কৰে। সেই সাক্ষাতে এতিয়া বিশেষ চৰ্চা লাভ কৰিছে।
সোমবাৰে ছিংগাপুৰত উপস্থিত হোৱাৰ পাছত আজি ১১ ফেব্ৰুৱাৰী মঙলবাৰে মুখ্যমন্ত্ৰী শৰ্মাই দেশখনৰ ৰাষ্ট্ৰপতি থাৰমান ছানমুগাৰাটনামৰ সৈতে সাক্ষাতত মিলিত হয়। এখন বহিঃৰাষ্ট্ৰৰ ৰাষ্ট্ৰপতিৰ সৈতে অসমৰ মুখ্যমন্ত্ৰীৰ এই সাক্ষাতে এতিয়া বিশেষ চৰ্চা লাভ কৰিছে দুয়োখন দেশতে ।
ৰাষ্ট্ৰপতি থাৰমানৰ সৈতে হোৱা আলোচনাত মুখ্যমন্ত্ৰী শৰ্মাই অসমৰ সৈতে চলিত সহযোগিতামূলক প্ৰকল্পসমূহৰ বিষয়ে কথা পাতে। লগতে ভাৰত-ছিগাপুৰৰ ব্যাপক কৌশলগত অংশীদাৰিত্বৰ মূল স্তম্ভ হিচাপে অসমৰ ভূমিকাৰ দিশত বিশেষ শুৰুত্ব প্ৰদান কৰা হয়।
এডভাণ্টেজ আসামৰ দ্বিতীয় সংস্কৰণত ছিংগাপুৰৰ অংশীদাৰিত্বৰ বাবে মুখ্যমন্ত্ৰী শৰ্মাই শলাগ লৈ কয় যে, – ‘ছেমিকণ্ডাক্টৰ, সেউজ শক্তি আৰু উন্নত প্ৰযুক্তিৰ দৰে আমামৰ উদীয়মান খণ্ডসমূহত ৰাষ্ট্ৰখনৰ সহযোগিতামূলক সম্পৰ্কক সবলীকৰণৰ বাবে আমি পোষকতা কৰিছো’ ।
ইয়াৰ পূৰ্বে মুখ্যমন্ত্ৰীয়ে ছিগাপুৰত ছেমিকণ্ডাক্টৰ উদ্যোগৰ নেতৃত্ববৃন্দৰ সৈতে এক ফলপ্ৰসূ আলোচনাত মিলিত হৈ দিনটোৰ আৰম্ভণি কৰে। মুখ্যমন্ত্ৰীয়ে সামাজিক মাধ্যমযোগে ব্যক্ত কৰে-ছেমিকণ্ডাক্টৰ হৈছে ভাৰত-ছিংগাপুৰৰ পাৰস্পৰিক সহযোগিতাৰ এক গুৰুত্বপূৰ্ণ দিশ। সেয়ে মুখ্যমন্ত্ৰীয়ে সকলোকে জাগীৰোডত হবলগীয়া ইলেক্ট্ৰনিক ছিটীত অংশীদাৰ হবলৈ আমন্ত্ৰণ জনায়।
উল্লেখ্য যে, উক্ত বৈঠকত এ এছ এম পি টি, এ ই এম, বেছি, টামাছেক, ছিলিকন বক্স , নিট্ৰো ডেংকো কৰ্প, হেলাৰ ইণ্ড্ৰাষ্ট্ৰিজ আৰু মেইনধাৰ্টৰ দৰে বিখ্যাত গ্ৰুপৰ নেতৃবৃন্দ উপস্থিত থাকে।
পৰৱৰ্তী সময়ত মুখ্যমন্ত্ৰী শৰ্মাই ছিংগাপুৰত লো চেৰ এক তেখেতৰ দলৰ সৈতে অসমত ছাৰ্বানা জুৰঙৰ বিদ্যামান প্ৰকল্পসমূহৰ পৰ্যালোচনা বৈঠকত অংশগ্ৰহণ কৰে। ছিংগাপুৰ নগৰ পৰিকল্পনাৰ বিশেষ দক্ষতাৰ জৰিয়তে অসমৰ ভৱিষ্যতৰ চহৰ আৰ উদ্যোগিক উদ্যান নিৰ্মাণ তথা অসমৰ লোকসকলৰ জীৱন ধাৰণৰ সহজতা বৃদ্ধিৰ দিশত তেঁওলোকক কাম কৰাৰ পোষকতা কৰে।
উল্লেখ্য, মুখ্যমন্ত্ৰী শৰ্মা নেতৃত্বাধীন অসম চৰকাৰে অডভাণ্টেজ আসাম-২.০ ক অসমৰ উন্নয়নৰ গতিশীলতাক অধকি বৃদ্ধি কৰিবলৈ এক মঞ্চ হিচাপে ব্যৱহাৰ কৰিছে। এই লক্ষ্যক সৰোগত কৰিয়েই মুখ্যমন্ত্ৰীয়ে ভূটান, দক্ষিণ কোৰিয়া, জাপান, ছিংগাপুৰ আদিৰ দৰে উন্নত ৰাষ্ট্ৰসমূহৰ সতে সংযোগ স্থাপন কৰিছে। ১২ ফেব্ৰুৱাৰী বুধবাৰৰ দিনটোও মুখ্যমন্ত্ৰী শৰ্মাই ছিংগাপুৰত অতিবাহিত কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
