চৰকাৰ গঠন কৰি মন্ত্ৰী হৈছিল হে, বিস্ফোৰণত নিহত মন্ত্ৰীসহ দেহৰক্ষী, মুঠ ১২ নিহত
আফগানিস্তানৰ পৰা আহিছে এক ডাঙৰ খবৰ। ৰাজধানী কাবুলত সংঘটিত এক বৃহৎ বিস্ফোৰণত তালিবান চৰকাৰৰ এজন মন্ত্ৰীৰ মৃত্যু। ২০২১ চনত খলিল ৰেহমান হাক্কানী তালিবানৰ অন্তৱৰ্তীকালীন চৰকাৰৰ মন্ত্ৰী হৈছিল। কিন্তু আজি এক ভয়ংকৰ বিস্ফোৰণত অকাল মৃত্যু হয়।
মন্ত্ৰীগৰাকীৰ ভতিজা আনাছ হাক্কানীয়ে এই তথ্য সদৰি কৰে। মন্ত্ৰীগৰাকীৰ দেহৰক্ষীকে ধৰি বহু লোকে প্ৰাণ হেৰুৱাই এই বিস্ফোৰণত। এই বিস্ফোৰণটো বুধবাৰে কাবুলত অৱস্থিত শৰণাৰ্থী মন্ত্ৰালয়ৰ চৌহদত সংঘটিত হয়, যাৰ বাবে শৰণাৰ্থী মন্ত্ৰী খলিল ৰহমান হাক্কানী আৰু তেওঁৰ ৩ জন দেহৰক্ষীকে ধৰি মুঠ ১২ জন লোকে আঘাতপ্ৰাপ্ত হৈ মৃত্যুবৰণ কৰে।
জানিব পৰা মতে, যেতিয়া এই বিস্ফোৰণ সংঘটিত হৈছিল তেতিয়া মন্ত্ৰী হাক্কানীয়ে খোষ্টৰ পৰা অহা এদল লোকক আদৰণি জনাই আছিল। যাৰ বাবেই এই আক্ৰমণত বহু লোকে প্ৰাণ হেৰুৱাই আৰু বহুতো গুৰুতৰভাৱে আহত হয়।
নিহত মন্ত্ৰী খলিল ৰেহমান হাক্কানী আছিল ২০২১ চনৰ আগষ্ট মাহত আফগানিস্তানত গঠন হোৱা অন্তৱৰ্তীকালীন তালিবান চৰকাৰৰ শৰণাৰ্থীৰ ভাৰপ্ৰাপ্ত মন্ত্ৰী। আমেৰিকাৰ বিদেশ মন্ত্ৰালয়ৰ তথ্য অনুসৰি তেওঁ আছিল উগ্ৰপন্থী সংগঠন হাক্কানী নেটৱৰ্কৰ জ্যেষ্ঠ নেতা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
