বিচ্ছেদৰ পাছতে ঐশ্বৰ্যৰ পৰা ৫ খনকৈ ছবি কাঢ়ি প্ৰতিশোধ লৈছিল ছলমানে
ঐশ্বৰ্য ৰায় আৰু ছলমান খানৰ প্ৰেম কাহিনী বলীউডৰ ভিতৰত অন্যতম জনপ্ৰিয় প্ৰেম কাহিনী। দুয়োৰে সম্পৰ্কক লৈ বহুত শিৰোনাম দখল কৰিছিল। ১৯৯৯ চনত নিৰ্মিত হম দিল দে চুকে ছনম ছবিত একেলগে কাম কৰাৰ সময়তে ছলমান আৰু ঐশ্বৰ্যই প্ৰেমত পৰিছিল। কিন্তু এই সম্পৰ্ক বেছি দিন নিটিকে।
ছলমান খান আৰু ঐশ্বৰ্য ৰায়ৰ বিচ্ছেদত অনুৰাগীসকলো স্তম্ভিত হৈ পৰিছিল দুয়োৰে বিচ্ছেদৰ পাছত । ইয়াৰ পিছত দুয়োজনে ইজনে সিজনৰ বিৰুদ্ধে অভিযোগো উত্থাপন কৰিছিল। কিন্তু ইয়াৰ বাবেই ঐশ্বৰ্যই সৰ্বাধিক লোকচান বহন কৰিবলগীয়া হৈছিল।
কোৱা হৈছে যে ছলমানৰ সৈতে ব্ৰেকআপ কৰাৰ পিছত অভিনেত্ৰীগৰাকীয়ে এখন বা দুখন নহয়, ইখনৰ পিছত সিখনকৈ পাঁচখন ছবি হেৰুৱাইছিল। ছবিৰ অংশ হোৱাৰ পিছতো ঐশ্বৰ্যক বাহিৰ কৰি দিছিল চিনেমাৰ পৰা।
অভিনেত্ৰীগৰাকী সেই ঘটনাৰ সময়ত গভীৰভাৱে দুখ পাইছিল মনত। এটা সাক্ষাৎকাৰত এই বিষয়টোৰ ওপৰত ঐশ্বৰ্যই নিজেই সদৰি কৰিছিল।
ছলমানৰ সৈতে ব্ৰেকআপ কৰাৰ পিছত ঐশ্বৰ্যই এখনৰ পিছত এখনকৈ পাঁচখন ছবি হেৰুৱাবলগীয়া হৈছিল। এবাৰ অভিনেত্ৰী ছিমি গ্ৰেৱালৰ টক শ্ব’ত অংশ লৈ এই বিষয়ে সদৰি কৰিছিল ঐশ্বৰ্যই। অভিনয় কৰি থকা চিনেমাৰ পৰাও বাহিৰ হ’ব লগা হৈছিল ঐশ্বৰ্য।
ঐশ্বৰ্যক বাদ দিয়া পাঁচখন ছবিৰ ভিতৰত আছে ‘বীৰ জাৰা’, ‘চলতে চলতে’, ‘পহেলী’, ‘মুন্নাভাই এম বি বি এছ’ আৰু ‘মেই হু না’। ইয়াৰে মুন্নাভাই এম বি বি এছৰ বাহিৰে বাকী চাৰিখন ছবিত শ্বাহৰুখ খানৰ বিপৰীতে দেখা গল হেতেন ঐশ্বৰ্যক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
