বিগত বৰ্ষত উত্তৰাখণ্ডৰ এগৰাকী যুৱতীৰ বিৰুদ্ধে ১৯ জন যুৱকৰ সৈতে অসুৰক্ষিত যৌন সম্পৰ্ক ৰাখি HIV সংক্ৰমণ বিয়পোৱাৰ অভিযোহ উঠিছিল৷ এইবাৰো উত্তৰাখণ্ডৰ সেই একেখন হাস্পতালতেই বিগত ১৫ মাহত ৪৭৭ জনৰ তেজত HIV পজিটিভ ভাইৰাছ পোৱা গৈছে৷ এই পৰিসংখ্যাই উদ্বেগ বঢ়াইছে স্বাস্থ্য দপ্তৰৰ অধিকাৰীসকলৰ মাজতো৷
উত্তৰাখণ্ডৰ হলদৱানীৰ ডাক্তৰ সুশীলা তিৱাৰী চৰকাৰী হাস্পতালত এই ঘটনা৷ বুধবাৰে এই হাস্পতালৰ এগৰাকী অধিকাৰীয়ে ইণ্ডিয়ান এক্সপ্ৰেছৰ আগত কয়, ‘২০২৪ চনৰ জানুৱাৰীৰ পৰা ২০২৫ চনৰ মাৰ্চ পৰ্যন্ত ৪৭৭টা HIV পজিটিভ কেছ ধৰা পৰিছে৷’
হাস্পতালৰ এণ্টি ৰেট্ৰোভাইৰেল থেৰাপিৰ নোডেল অফিচাৰ বৈভৱ কুমাৰে জনোৱা অনুসৰি HIV আক্ৰান্তসকলৰ মাজত অধিকাংশই পুৰুষ৷ এইসকলৰ মাজত ৮গৰাকী শিশুও আছে৷ প্ৰাথমিকভাৱে জনা গৈছে মাতৃৰ পৰাই তেওঁলোকৰ শৰীৰত এই ৰোগ সংক্ৰমিত হৈছে৷ তেওঁ লগতে কয়, ‘এই পৰিসংখ্যা অত্যন্ত উদ্বেগৰ৷ প্ৰতিদিনে কমপক্ষেও তিনিজন এই ৰোগত আক্ৰান্ত হৈছে৷ বহুতেই সমাজৰ ভয়ত নিজৰ নাম ৰেজিষ্টাৰো কৰিব খোজা নাই৷ অধিকাংশ ক্ষেত্ৰতেই দেখা গৈছে পুৰুষেও মাদক লোৱাৰ সময়ত যি চিৰিঞ্জ ব্যৱহাৰ কৰে সেই চিৰিঞ্জৰ পৰাও এই ৰোগ বিয়পিছে৷ ড্ৰাগৰ নিচাৰ পৰা যদি সাধাৰণ মানুহক মুক্ত কৰিব নোৱাৰি তেন্তে এই সংক্ৰমণ ৰোধ কৰাটো কষ্টসাধ্য হৈ পৰিব৷ এই ক্ষেত্ৰত কাউন্সেলিঙো কোনো কামত নাহে৷ মাদক কৰ পৰা কেনেকৈ আহে সেই পথ বন্ধ কৰিব লাগিব৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
