অসমৰ ভ্ৰাম্যমাণ থিয়েটাৰৰ নাট প্ৰদৰ্শন চলি থকাৰ মাজতে ৰাজমুকুট থিয়েটাৰত সংঘটিত হ’ল এক অঘটন। মঞ্চত নৃত্য পৰিৱেশন কৰি থকাৰ সময়তে ৰেম্পৰ পৰা পিছলি পৰিল অভিনেত্ৰী শ্যামন্তিকা শৰ্মা আৰু অভিনেতা জেফী বক্সী। বাক্সা জিলাৰ ধমধমাৰ শান্তিপুৰত থিয়েটাৰখনৰ নাট প্ৰদৰ্শন চলি থকাৰ সময়তে এই ঘটনা সংঘটিত হয়।
জানিব পৰা মতে, ৰাজমুকুট থিয়েটাৰৰ নাট প্ৰদৰ্শনৰ মাজতে নৃত্য পৰিৱেশন কৰি আছিল অভিনেত্ৰী শ্যামন্তিকা শৰ্মা আৰু অভিনেতা জেফী বক্সীয়ে। সেই সময়তে দুয়োগৰাকী শিল্পী ৰেম্পৰ পৰা পিছলি পৰে। নাট প্ৰদৰ্শনৰ মাজতে সংঘটিত এই ঘটনাই স্বাভাৱিকতে দৰ্শকৰ মাজত চৰ্চাৰ সৃষ্টি কৰিছে।
ভ্ৰাম্যমাণ থিয়েটাৰৰ মঞ্চত অভিনয়ৰ লগতে নৃত্য, সংগীত আৰু বিভিন্ন ধৰণৰ দৃশ্য পৰিৱেশন কৰা হয়। এনে পৰিৱেশনৰ সময়ত শিল্পীসকলে মঞ্চৰ বিভিন্ন অংশত চলাচল কৰিবলগীয়া হয়। সেয়ে মঞ্চ আৰু ৰেম্পৰ সুৰক্ষা শিল্পীসকলৰ বাবে অতি গুৰুত্বপূৰ্ণ।
ৰাজমুকুট থিয়েটাৰৰ এই ঘটনাক কেন্দ্ৰ কৰি অৱশ্যে দুয়োগৰাকী শিল্পীৰ আঘাতৰ পৰিমাণ বা তেওঁলোকৰ বৰ্তমানৰ শাৰীৰিক অৱস্থাৰ বিষয়ে কোনো নিশ্চিত তথ্য এই মুহূৰ্তত জানিব পৰা হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
