শ্বাহৰুখ খানে বিগত তিনিটা দশক ধৰি বলীউডৰ সিংহাসনত বিৰাজ কৰি আহিছে। কোনো চলচ্চিত্ৰৰ পটভূমি বা গডফাদাৰ নথকা দিল্লীৰ এজন সাধাৰণ যুৱক আজি মুম্বাইৰ মায়ানগৰীৰ ‘king’, কেৱল নিজৰ প্ৰতিভাৰ শক্তিৰে। থিয়েটাৰৰ মঞ্চৰ পৰা টেলিভিছনৰ পৰ্দালৈকে, তাৰ পিছত ৰূপালী পৰ্দালৈকে তেওঁৰ ৰাজকীয় উত্থান সাধুকথাতকৈও কম নহয়। কিন্তু সফলতাৰ এই শিখৰত উপনীত হোৱাৰ আগতে আজিৰ এই মেগাষ্টাৰে দিল্লীৰ ‘নেচনেল স্কুল অৱ ড্ৰামা’ (এন এছ ডি)ৰ ছাত্ৰ-ছাত্ৰীক ট্ৰুম্পেট বিক্ৰী কৰিছিল!
শেহতীয়াকৈ এক অনুষ্ঠানত প্ৰবীণ অভিনেতা পংকজ কাপুৰে এই অজ্ঞাত তথ্য জনসাধাৰণৰ মাজলৈ লৈ আহিছিল। তেওঁ কয় যে কণমানি শ্বাহৰুখে ১০ বছৰ বয়সৰ পৰাই এন এছ ডি কেম্পাছত ট্ৰুম্পেট বিক্ৰী কৰিছিল। পিছলৈ পংকজে ১৯৯৫ চনত শ্বাহৰুখৰ সৈতে ‘ৰাম জানে’ ছবিত পৰ্দা শ্বেয়াৰ কৰিছিল। কিন্তু তেতিয়াও তেওঁ মিলাব পৰা নাছিল যে এই ছুপাৰষ্টাৰজন আচলতে এন এছ ডিৰ সেই সৰু ল’ৰাটো। পংকজ কাপুৰ আৰু নাছিৰুদ্দিন শ্বাহৰ দৰে কিংবদন্তি ১৯৭৬ চনৰ এন এছ ডি বেচৰ ছাত্ৰ আছিল। শ্বাহৰুখে নিজেই বহু সাক্ষাৎকাৰত স্মৰণ কৰি কয় যে দেশৰ এই আগশাৰীৰ অভিনেতাসকলৰ কোলাত তেওঁৰ শৈশৱ পাৰ হৈছিল। আচলতে শ্বাহৰুখৰ পৰিয়ালৰ এন এছ ডি কেম্পাছত এটা কেন্টিন আছিল, আৰু সেইবাবেই তেওঁৰ তাত বিনামূলীয়াকৈ প্ৰৱেশ আছিল।
অভিনয়ৰ জগতখনত প্ৰৱেশ কৰাৰ আগতে শ্বাহৰুখৰ পৰিয়ালেও ব্যৱসায়ী হিচাপে সংগ্ৰাম কৰিবলগীয়া হৈছিল। তেওঁৰ পিতৃ মিৰ তাজ মহম্মদ খানৰ দিল্লীৰ চফদৰজং অঞ্চলত ‘খাতিৰ’ নামৰ ৰেষ্টুৰেণ্ট এখন আছিল। দেউতাকৰ অকাল মৃত্যুৰ পিছত শ্বাহৰুখৰ মাকে সেই ৰেষ্টুৰেণ্টখনৰ সমগ্ৰ দায়িত্ব লয়। মূলতঃ এই ৰেষ্টুৰেণ্টখনৰ পৰা পোৱা উপাৰ্জনৰ ওপৰত তেওঁলোকৰ পৰিয়ালটো চলিছিল। ইয়াৰ লগতে তেওঁলোকে এন এছ ডি কেণ্টিনটোও পৰিচালনা কৰিছিল। শ্বাহৰুখে কয় যে সৰুতে স্কুলৰ পৰা দুঘণ্টামান আজৰি সময় আছিল। সেই সময়ত তেওঁ এন এছ ডি কেম্পাছত ভনীয়েকৰ বাবে অপেক্ষা কৰিছিল। আৰু এই আজৰি সময়ত তেওঁ প্লেট এখনত শিঙৰা লৈ থিয়েটাৰৰ ছাত্ৰ-ছাত্ৰীৰ টেবুলৰ ওচৰ পায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
