আজি বিধানসভা নিৰ্বাচনৰ মনোনয়ন দাখিল কৰিলে মন্ত্ৰী পীযূষ হাজৰিকাই। জাগীৰোডত হাজাৰ হাজাৰ সমৰ্থক-অনুৰাগীৰ সৈতে আয়ুক্তৰ কাৰ্যালয়ত মনোনয়ন পত্ৰ দাখিল কৰিলে পীযূষ হাজৰিকাই। বৰষুণৰ মাজতো সমৰ্থকসকলৰ সৈতে স্বামীক সংগ দিলে পত্নী আইমী বৰুৱাই।
স্বামীৰ প্ৰতিটো কামতে কাষত থাকে আইমী বৰুৱা। আজি মনোনয়ন পত্ৰ দাখিল কৰিবলৈ যোৱা ৰেলীত সমৰ্থক আৰু অনুৰাগীক অভিবাদন জনাই চৰ্চালৈ আহিছে আইমী বৰুৱা। কিন্তু কি কৰিলে আইমীয়ে?
চৰ্চাৰ কাৰণ
আচলতে আইমীয়ে ৰাজনীতি আৰু মৰমৰ যুগলবন্দীৰে হাতৰ তলুৱাত স্বামীৰ নাম লিখি চৰ্চালৈ আহিছে। যেতিয়া মনোনয়ন দাখিল যাত্ৰাত অংশ গ্ৰহণ কৰি আইমী বৰুৱাই সকলোকে অভিবাদনজনাইছিল, তেতিয়া সকলোৱে লক্ষ্য কৰিছিল আইমীৰ হাতখনলৈ। য’ত লিখা আছিল ‘Pijush’। ইয়াৰ পিছতে অনুৰাগীয়ে হাতত স্বামীৰ নামৰ মেহেন্দি লোৱা দেখি সামাজিক মাধ্যমত আইমীৰ ফটো শ্বেয়াৰ কৰিছে।
এই সন্দৰ্ভত সাংবাদিকে সোধা প্ৰশ্নত আইমীয়ে কয়, “এয়া এখন হাতত নহয়, দুয়োখন হাতত ছোৱালীজনীয়ে নাম লিখি দিছে। তাই মেহেন্দি আঁকি বৰ ভাল পায়, সেয়ে নিজেও লগাইছে আৰু মোকো লগাই দিছে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
