দেওবাৰেই তেওঁৰ বৰপুত্ৰ তেজপ্ৰতাপক দল আৰু পৰিয়ালৰ পৰা ৬বছৰৰ বাবে বহিষ্কাৰ কৰিছে আৰ জে ডি প্ৰধান লালুপ্ৰসাদ যাদৱে। তেওঁৰ এই পদক্ষেপক লৈ দেশজুৰি চলিছে চৰ্চা। জনগণক বিভ্ৰান্ত কৰাৰ প্ৰচেষ্টা বুলি দাবী কৰিছে তেজপ্ৰতাপৰ বিচ্ছেদিতা স্ত্ৰী ঐশ্বৰ্য ৰাইৰ। যাদৱ পৰিয়ালক তেওঁৰ প্ৰশ্ন, পুত্ৰৰ কীৰ্তি সম্পৰ্কে যদি তেওঁলোকে সকলোখিনিয়েই জানিছিল তেন্তে কিয় তাৰপাছতো তেজপ্ৰতাপৰ সৈতে তেওঁক বিয়া কৰাই অনা হৈছিল? কিয় তেওঁৰ জীৱনটো নষ্ট কৰা হল?
মোৰ জীৱনটো এনেকৈ কিয় নষ্ট কৰা হল?
সংবাদ সংস্থা এ এন আইক ঐশ্বৰ্যই কয়, ‘সকলোৱে জানে কি হৈছে। যদি তেওঁলোকে মানে লালুপ্ৰসাদ যাদৱৰ পৰিয়ালে সমগ্ৰ বিষয়টো জানিছিলেই তেন্তে কিয় মোৰ সৈতে তেওঁৰ বিয়া কৰোৱা হৈছিল? কিয় মোৰ জীৱনটো নষ্ট কৰা হল? কিয় মোক মাৰধৰ কৰা হৈছিল। এতিয়া হঠাৎ তেওঁলোকৰ মাজত সামাজিক জাগৰণে দেখা দিছে। মই মোৰ বিবাহবিচ্ছেদৰ খবৰ প্ৰথমে সংবাদমাধ্যমত দেখিছো। মোক তেওঁলোকে পৰ্দাৰ আঁৰত ৰাখি কাম কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
