ব’হাগৰ শুক্লপক্ষৰ তৃতীয় দিনটোক কোৱা হয় অক্ষয় তৃতীয়া৷ এই দিনটোত সূৰ্য আৰু চন্দ্ৰ উভয়েই নিজ নিজ উচ্চ ৰাশিত অৱস্থান কৰে৷ উভয়ৰ সন্মিলিত আশীৰ্বাদ চিৰস্থায়ী হয়৷ অক্ষয় মানে হৈছে ক্ষয় নোহোৱা৷ এই দিনটোত কৰা কামৰ ফল ক্ষয় নহয়৷ বিশ্বাস কৰা হয় যে ভগৱান পৰশুৰাম, নৰনাৰায়ণ আৰু হয়গ্ৰীৱে এই দিনটোত অৱতাৰ গ্ৰহণ কৰিছিল৷ এই দিনটোতেই বদ্ৰীনাথৰ দুৱাৰো খোলে৷ এই দিনটোতেই বৃন্দাবনত বাতে বিহাৰীৰ চৰণ দৰ্শন কৰা হয়৷ এই দিনটোত মূ্ল্যবান সামগ্ৰীও ক্ৰয় কৰা হয়৷
জ্যোতিষমতে এই বিৰল সংযোগসমূহৰ কাৰণে অক্ষয় তৃতীয়া অত্যন্ত শুভ বুলি ধাৰণা কৰা হয়৷ এই দিনটোত শুক্ৰই বৃষ ৰাশিত প্ৰৱেশ কৰি মালব্য ৰাজযোগ সৃষ্টি কৰিব৷ ইয়াৰোপৰি এই দিনটোত চন্দ্ৰই তাৰ উচ্চ ৰাশি বৃষত প্ৰৱেশ কৰিব৷ এই দিনটোত গজকেশৰী যোগো গঠিত হৈছে৷ জানি থওক অক্ষয় তৃতীয়াত কোন কোন ৰাশিয়ে শুভ ফল পাব?
মেষ ৰাশি
অক্ষয় তৃতীয়াত মেষ ৰাশিৰ জাতক জাতিকাৰ বাবে কৰ্মজীৱনত ইতিবাচক পৰিবৰ্তন আহিব৷ যিসকলে চাকৰি পৰিবৰ্তন বা পদোন্নতিৰ বাবে অপেক্ষা কৰিছে তেওঁলোকে স্বস্তি পাব পাৰে ইংগিত আছে যে আপুনি কঠোৰ পৰিশ্ৰমৰ ফল পাব৷ কৰ্মক্ষেত্ৰত এক ডাঙৰ সুযোগ বা ডিল কৰিব পাৰে৷ যিয়ে আপোনাৰ উন্নতিৰ পথ খুলি দিব৷
সিংহ ৰাশি
সিংহ ৰাশিৰ জাতক জাতিকাৰ বাবে এই সময়ত বৰ্ধিত সন্মান আৰু স্বীকৃতি লাভৰ যোগ আছে৷ আপোনাৰ নেতৃত্বদানৰ দক্ষতাৰ কদৰ হব পাৰে৷ বিনিয়োগৰ পৰা ইতিবাচক ফল লাভৰ সম্ভাৱনা আছে৷ পুৰণি পাৰিবাৰিক বিবাদ, বিশেষকৈ সম্পত্তি সংক্ৰান্তিয় বিবাদসমূহৰ সমাধান হব পাৰে৷ ইয়াৰ ফলত আপোনাৰ আৰ্থিক অৱস্থা আৰু শক্তিশালী হব পাৰে৷
বৃশ্চিক ৰাশি
এই সময়ত বৃশ্চিক ৰাশি জাতক জাতিকাই তেওঁলোকৰ জীৱনলৈ স্থিতিশীলতা আৰু ভাৰসাম্য অনুভৱ কৰিব পাৰে৷ দীৰ্ঘদিন ধৰি ৰৈ থকা অৰ্থ পুনৰুদ্ধাৰ হোৱাৰ সম্ভাৱনা আছে৷ আপুনি যদি নতুন কোনো ব্যৱসায় বা ষ্টাৰ্টআপ আৰম্ভ কৰিব খুজিছে তেন্তে এই সময় অনুকূল৷ ভাগ্যৰ সহায় থাকিব৷ ৰৈ থকা প্ৰকল্পসমূহৰ কাম সম্পন্ন হব পাৰে৷
ধনু ৰাশি
এই সময়ে ধনু ৰাশিৰ জাতকৰ বাবে স্বাচ্ছন্দ্য কঢ়িয়াই আনিব পাৰে৷ আপোনাৰ ঘৰ বা বাহন ক্ৰয়ৰ সপোন সঁচা হব৷ কৰ্মক্ষেত্ৰত ঊৰ্ধ্বতনসকলৰ সমৰ্থনত পৰিস্থিতিক আৰু সহজ কৰি তুলিব৷ আয়ৰ নতুন পথ খুলিব৷ যিয়ে আপোনাৰ আৰ্থিক অৱস্থাৰ উন্নতি ঘটাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
