অসম লাইভ ২৪ঃ এলুমিনিয়াম ফইল আজি সকলোৰে পৰিচিত। হোটেল-ৰেস্তোঁৰাৰ পৰা গৃহস্থলৈ ইয়াৰ সমানে উপযোগিতা। সাধাৰণতে খাদ্যসামগ্ৰী দীর্ঘ সময়লৈ নষ্ট নোহোৱাকৈ ৰাখিবৰ বাবে খাদ্যসামগ্ৰীৰ ওপৰত এলুমিনিয়াম ফইল মেৰিয়াই দিয়া হয়। এলুমিনিয়াম ফইলৰ উপযোগিতা সর্বসাধাৰণে ঠিক এনেধৰেণই বুজে। কিন্তু ইয়াৰ আছে ভিন্নমুখী উপযোগিতা। সেয়ে এলুমিনিয়াম ফইলক একপ্ৰকাৰে আশ্চর্য বুলি ভবাৰো থল নথকা নহয়।
- দীর্ঘসময়ৰ বাবে খাদ্যসামগ্ৰী নষ্ট নোহোৱাকৈ ৰাখিব পৰা যায় এলুমিনিয়াম ফইল খাদ্যসামগ্ৰীৰ ওপৰত মেৰিয়াই।
- কেঁচী ধাৰ দিব পাৰি এলুমিনিয়াম ফইলেৰে। কেঁছী এখন ধাৰ দিয়া কিছু কষ্টকৰ কাম। কিন্তু যদি এলুমিনিয়াম ফইলৰ শ্বীট এখন কেচিৰে কটা হয়, কেঁচীখন ছেকেণ্ডৰ ভিতৰতে ধাৰসম্পন্ন হৈ উঠে।
- কাপোৰ ইস্ত্ৰী কৰাত সময় আৰু বিদ্যুৎ ৰাহি কৰিব পৰা যায় এলুমিনিয়াম ফইলৰ জৰিয়তে। ইস্ত্ৰীটোৰ তলত এখন এলুমিনিয়াম শ্বীট পাৰি লওক। এলুমিনিয়াম শ্বীটসহ ইস্ত্ৰীটো এখন কাপোৰেৰে গাঁঠি লওক। ইস্ত্ৰী চলোৱাৰ লগে লগে কাম হ’ব। কম সময়তে ইস্ত্ৰী হ’ব, বিদ্যুৎ ৰাহি হ’ব আৰু কাপোৰৰ ওলোটা ফালত ইস্ত্ৰী নকৰিলেও হ’ব।
- বস্ত্ৰ আৰামদায়ক কৰি তোলাত সহায়ক এলুমিনিয়াম ফইল। ছিন্থেটিক ফাঁইবাৰেৰে তৈয়াৰী বস্ত্ৰ খোলাৰ পাছত কেতিয়াবা গাৰ ছালত বিন্ধাৰ দৰে লাগে, অস্বস্তিবোধ হয়। এনে অসুবিধা দূৰ কৰিবলৈ এলুমিনিয়াম ফইলৰ শ্বীট এটা লাড়ুৰ দৰে কৰি লওক আৰু শ্বার্ট-পেণ্ট অথবা অন্য বস্ত্ৰৰ অসুবিধা দিয়া অঞ্চলটোত ঘঁহি দিয়ক। নিমিষতে অসুবিধা দূৰ হ’ব।
- ৱাইফাইৰ ছিগনেল লাভৰ ক্ষেত্ৰত সহায়ক। মোবাইল অথবা লেপটপত যদি ৱাইফাই ছিগনেল বাধাগ্ৰস্ত হৈছে, তেনেহ’লে মোবাইল-লেপটপৰ সমীপত এলুমিনিয়াম ফইলৰ এখন শ্বীট ৰাখি থওক। ছিগনেল পাই যাব।
- পানীৰ লীকেজ বন্ধত সহায়ক। যদি আপোনাৰ টেপ অথবা টিনপাতৰ পৰা পানী নিগৰিছে, সেই স্থানত এলুমিনিয়াম ফইলৰ শ্বীট খাজি দিয়ক। পানীৰ লীকেজ বন্ধ হৈ যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
