ৰিজাৰ্ভ বেংকৰ অনুমোদন নোহোৱাকৈ ট্ৰেডিঙ কৰা সকলো ঠগ আটক হ’ব- মুখ্যমন্ত্ৰী শৰ্মা
অনলাইন ট্ৰেডিঙৰ প্ৰৱঞ্চনাক লৈ প্ৰতিক্ৰিয়া প্ৰকাশ কৰিছে মুখ্যমন্ত্ৰী ড০ হিমন্ত বিশ্ব শৰ্মাই। আজি ডিব্ৰুগড়ত এক সংবাদ মেলৰ জৰিয়তে এই কথা সদৰি কৰে মুখ্যমন্ত্ৰীগৰাকীয়ে। যি সকল লোকে ৰিজাৰ্ভ বেংকৰ অনুমোদন নোহোৱাকৈ ট্ৰেডিঙ তথা বিত্তিয় লেনদেন কৰিছিল সেই সকলো আৰক্ষীত জালত পৰিব বুলি উল্লেখ কৰে মুখ্যমন্ত্ৰীয়ে।
ভাৰতীয় ৰিজাৰ্ভ বেংকৰ নিয়ম উলংঘা কৰা সকলোৰে বিৰুদ্ধে ব্যৱস্থা লোৱা হ’ব। সাংবাদিকৰ আগত মুখ্যমন্ত্ৰীয়ে কয়- ‘‘ৰিজাৰ্ভ বেংক আৰু ৰিজাৰ্ভ বেংকৰ অধীনৰ প্ৰতিষ্ঠানত বিনিয়োগ কৰক। ৰিজাৰ্ভ বেংকৰ অনুমোদন অবিহনে কোনো লেনদেন কৰিব নোৱাৰে। সমগ্ৰ বিষয়টো তদন্ত কৰি আছে CIDএ। প্ৰয়োজন হ’লে SIT গঠন কৰা হ’ব। কেন্দ্ৰীয় চৰকাৰকো বিষয়টো জনোৱা হৈছে।’’
উল্লেখ্য যে প্ৰথমে ডি বি ষ্টকৰ দীপাংকৰ বৰ্মনৰ কোটিটকীয়া ট্ৰেডিং কেলেংকাৰী পোহৰলৈ অহাৰ পৰা ৰাজ্যত পোহৰলৈ আহিছে এজনৰ পিছত আনএজন ট্ৰেডিং প্ৰৱঞ্চকৰ প্ৰৱঞ্চনাৰ কু-কাণ্ড।
বিশাল ফুকন, স্বপনীল দাস, ৰঞ্জিত কাকতিকে ধৰি এতিয়ালৈকে প্ৰায় ৪০গৰাকী প্ৰৱঞ্চকক গ্ৰেপ্তাৰ কৰিছে আৰক্ষীয়ে। এতিয়াও বহুকেইজন পলাতক অৱস্থাত, অভিযান অব্যাহত আৰক্ষীৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
